Rytu Ratham | అన్నదాతల కోసం ఇప్పటికే ఎన్నో పథకాలను అమలు చేస్తోన్న జగన్ సర్కారు తాజాగా మరో నూతన పథకానికి శ్రీకారం చుట్టింది.‘రైతు రథం’ పేరిట రైతులకు ట్రాక్టర్లను పంపిణీ చేసే కార్యక్రమాన్ని ఏపీ ప్రభుత్వం ప్రారంభిస్తోంది. జూన్ ఆరో తేదీన ఈ పథకం ప్రారంభం కానుంది. అదే రోజున రైతులకు 6 వేల ట్రాక్టర్లను పంపిణీ చేయనున్నారు. ఈ పథకం కింద ట్రాక్టర్ పొందడం కోసం చిన్న, సన్నకారు రైతులు ఓ గ్రూపుగా ఏర్పడాల్సి ఉంటుంది. కనీసం ముగ్గురు రైతులు ఓ గ్రూపుగా ఏర్పడి.. దానికి పేరు పెట్టాలి.
రైతు రథం కింద ఎంపికైన రైతు గ్రూపు ఖాతాకు ట్రాక్టర్ సబ్సిడీ మొత్తాన్ని బదిలీ చేస్తారు. మిగతా మొత్తం చెల్లించి రైతులు ట్రాక్టర్ కొనుగోలు చేయాల్సి ఉంటుంది. ఇలా గ్రూపులుగా ఏర్పడిన రైతులకు ట్రాక్టర్లు మాత్రమే కాకుండా ఇతర వ్యవసాయ పనిముట్లను సైతం ప్రభుత్వం అందిస్తుంది. పురుగు మందులు పిచికారీ చేయడం కోసం డ్రోన్లను సైతం రైతులకు అందించనుంది.
వాస్తవానికి చంద్రబాబు నాయుడు (Chandrababu Naidu) హయాంలోనే ‘రైతు రథం’ పథకాన్ని ప్రారంభించారు. ఈ పథకం కింద 20 వేల ట్రాక్టర్లను అందించాలని లక్ష్యంగా భావించిన టీడీపీ సర్కారు.. 2018లో 6 వేల ట్రాక్టర్లను పంపిణీ చేసింది. కానీ తెలుగు దేశం పార్టీ కార్యకర్తలకే ట్రాక్టర్లు ఇస్తున్నారనే ఆరోపణలు వచ్చాయి. జగన్ అధికారంలోకి వచ్చాక ఈ పథకాన్ని ‘వైఎస్ఆర్ రైతు రథం’ (YSR Rythu Ratham)గా మార్చేశారు.
రైతు రథం కింద ఎంపికైన రైతు గ్రూపు ఖాతాకు ట్రాక్టర్ సబ్సిడీ మొత్తాన్ని బదిలీ చేస్తారు. మిగతా మొత్తం చెల్లించి రైతులు ట్రాక్టర్ కొనుగోలు చేయాల్సి ఉంటుంది. ఇలా గ్రూపులుగా ఏర్పడిన రైతులకు ట్రాక్టర్లు మాత్రమే కాకుండా ఇతర వ్యవసాయ పనిముట్లను సైతం ప్రభుత్వం అందిస్తుంది. పురుగు మందులు పిచికారీ చేయడం కోసం డ్రోన్లను సైతం రైతులకు అందించనుంది.
వాస్తవానికి చంద్రబాబు నాయుడు (Chandrababu Naidu) హయాంలోనే ‘రైతు రథం’ పథకాన్ని ప్రారంభించారు. ఈ పథకం కింద 20 వేల ట్రాక్టర్లను అందించాలని లక్ష్యంగా భావించిన టీడీపీ సర్కారు.. 2018లో 6 వేల ట్రాక్టర్లను పంపిణీ చేసింది. కానీ తెలుగు దేశం పార్టీ కార్యకర్తలకే ట్రాక్టర్లు ఇస్తున్నారనే ఆరోపణలు వచ్చాయి. జగన్ అధికారంలోకి వచ్చాక ఈ పథకాన్ని ‘వైఎస్ఆర్ రైతు రథం’ (YSR Rythu Ratham)గా మార్చేశారు.