హైదరాబాద్ నుంచి తిరుపతి వెళ్లే వారికి శుభవార్త.. కాచిగూడ నుంచి ప్రత్యేక రైళ్లు.. వివరాలివే!

వేసవి సెలవుల నేపథ్యంలో తిరుమల శ్రీవేంకటేశ్వర స్వామి దర్శనానికి ప్రయాణికుల రద్దీ పెరుగుతున్న నేపథ్యంలో దక్షిణ మధ్య రైల్వే కీలక నిర్ణయం తీసుకుంది. హైదరాబాద్ నుంచి తిరుపతి వెళ్లాలని అనుకుంటున్న వారికి గుడ్‌ న్యూస్ చెప్పింది. కాచిగూడ నుంచి తిరుపతికి ప్రత్యేక రైళ్లు నడపనున్నట్లు సౌత్ సెంట్రల్ రైల్వే ప్రకటించింది. ఈ మేరకు రైళ్ల వివరాలను ట్వీట్ చేసింది. వేసవి సెలవుల నేపథ్యంలో ప్రజలు పుణ్యక్షేత్రాలకు వెళ్లేందుకు సిద్ధం అవుతున్నారు. ఈ క్రమంలో కాచిగూడ నుంచి తిరుపతి.. తిరుపతి నుంచి కాచిగూడకు రెండు ప్రత్యేక రైళ్లు నడపనున్నట్లు వెల్లడించింది.


మే 11న ప్రత్యేక రైలు (07297)ను కాచిగూడ – తిరుపతి మధ్య నడపనున్నారు. ఈ రైలు రాత్రి 10.20 గంటలకు కాచిగూడ నుంచి బయలుదేరి.. మరుసటి రోజు 11.00 గంటలకు తిరుపతికి చేరుతుంది.

ఇక, మే 12న ప్రత్యేక రైలు (07298) తిరుపతి నుంచి కాచిగూడకు నడపనున్నారు. ఈ రైలు మధ్యాహ్నం 3 గంటలకు తిరుపతి నుంచి బయల్దేరి.. మరుసటి రోజు ఉదయం 4 గంటలకు కాచిగూడ చేరుకుంటుంది.

ఈ రెండు రైళ్లు ఉమ్దానగర్, షాద్‌నగర్, జడ్చర్ల, మహబూబ్ నగర్, వనపర్తి రోడ్, కర్నూల్ సిటీ, డోన్, గుత్తి, తాడిపత్రి, ఎర్రగుంట్ల, కడప, రాజంపేట, రేణిగుంట స్టేషన్లలో ఆగుతుందని దక్షిణ మధ్య రైల్వే తెలిపింది.