టీడీపీ అధినేత, మాజీ ముఖ్యమంత్రి చంద్రబాబు ఇసుక దీక్ష ప్రారంభమయ్యింది. విజయవాడలోని అలంకార్ సెంటర్‌లోని ధర్నా చౌక్ దగ్గర వేదికపై దీక్ష చేపట్టారు. బాబు ముందుగా ఆత్మహత్య చేసుకున్న భవన నిర్మాణ కార్మికుల ఫోటోలకు నివాళులు అర్పించారు. అనంతరం చంద్రబాబు భవన నిర్మాణ కార్మికులతో కలిసి వేదికపై దీక్షకు కూర్చున్నారు. టీడీపీ అధినేత దీక్ష ఉదయం 8 గంటల నుంచి రాత్రి 8 గంటల వరకు 12 గంటల పాటూ దీక్ష కొనసాగనుంది.
చంద్రబాబు దీక్షకు జనసేన, ఆప్‌తో పాటూ మరికొన్ని పార్టీలు మద్దతు తెలిపాయి. ఇక బీజేపీ ప్రతిపక్షాలు ఎలాంటి పోరాటాలు చేసినా తమ సంఘీభావం ఉంటుందని చెప్పింది. ఈ దీక్షకు టీడీపీ నేతలు, కార్యకర్తలు భారీగా తరలివచ్చారు. భవన నిర్మాణ కార్మిక సంఘాలు కూడా ధర్నా చౌక్‌కు తరలి వచ్చారు. అలాగే విజయవాడలో టీడీపీ ఆధ్వర్యంలో ర్యాలీ కూడా చేపట్టారు. నేతలు, కార్యకర్తలు ర్యాలీగా ధర్నా చౌక్‌కు చేరుకున్నారు.
చంద్రబాబు దీక్షకు జనసేన, ఆప్‌తో పాటూ మరికొన్ని పార్టీలు మద్దతు తెలిపాయి. ఇక బీజేపీ ప్రతిపక్షాలు ఎలాంటి పోరాటాలు చేసినా తమ సంఘీభావం ఉంటుందని చెప్పింది. ఈ దీక్షకు టీడీపీ నేతలు, కార్యకర్తలు భారీగా తరలివచ్చారు. భవన నిర్మాణ కార్మిక సంఘాలు కూడా ధర్నా చౌక్‌కు తరలి వచ్చారు. అలాగే విజయవాడలో టీడీపీ ఆధ్వర్యంలో ర్యాలీ కూడా చేపట్టారు. నేతలు, కార్యకర్తలు ర్యాలీగా ధర్నా చౌక్‌కు చేరుకున్నారు.