జగన్ రెడ్డికి గాలి జనార్ధన్ రెడ్డితో లింకు.! దేవుడిచ్చిన అన్నయ్య.. సంచలన ఆరోపణలు

విశాఖ - తూర్పు గోదావరి జిల్లాల సరిహద్దు ఏజెన్సీ ప్రాంతంలోని సరుగుడు పంచాయతీ పరిధిలో లేటరైట్ ముసుగులో మైనింగ్ మాఫియా బాక్సైట్ తవ్వకాలకు తెరలేపిందని టీడీపీ ఆరోపిస్తోంది. ఇటీవల సరుగుడు పంచాయతీకి చెందిన గిరిజన యువకుడితో వైసీపీ కీలక నేత వైవీ సుబ్బారెడ్డి తనయుడు విక్రాంత్ రెడ్డి పార్టనర్ లవకుమార్ రెడ్డి పేరుతో ఆడియో కాల్ లీక్ కలకలం రేపింది. రానున్న పదిహేనేళ్లలో సుమారు 15 వేల కోట్ల రూపాయల వ్యాపారం జరగబోతోందని.. మాతో కలిస్తే కోటీశ్వరుడికి కావొచ్చని ఆఫర్ ఇవ్వడం చర్చనీయాంశంగా మారింది.

అడవిలో పచ్చని చెట్లను నరికేసి రోడ్డు వేశారని ఆరోపణలు రావడంతో నిజనిజాలు నిగ్గు తేల్చేందుకు ప్రతిపక్ష టీడీపీ నిజనిర్ధారణ కమిటీ వేసింది. సరుగుడు పంచాయతీ పరిధిలోని అటవీ ప్రాంతంలో జరుగుతున్న పనులు పరిశీలించేందుకు వెళ్లిన టీడీపీ కమిటీని పోలీసులు అడ్డుకోవడంపై ఆ పార్టీ జాతీయ ప్రధాన కార్యదర్శి తీవ్ర ఆగ్రహం వ్యక్తం చేశారు. సీఎం జగన్‌పై ఘాటు విమర్శలతో విరుచుకుపడ్డారు. ఓబుళాపురం మైనింగ్ కేసులో అరెస్టైన కర్ణాటక మాజీ మంత్రి గాలి జనార్ధన్ రెడ్డితో పోలుస్తూ తీవ్ర వ్యాఖ్యలు చేశారు.

జగన్ రెడ్డి గనుల తవ్వకపు మాఫియాలో ఘనుడని.. అభయారణ్యంలో పచ్చని చెట్లు నరికించి లేటరైట్ ముసుగులో బాక్సైట్ మైనింగ్ చేస్తున్నారని ధ్వజమెత్తారు. సీఎం జగన్‌ను బాక్సైట్ రెడ్డి అంటూ ఘాటుగా స్పందించారు. బాక్సైట్ రెడ్డి తనకి దేవుడిచ్చిన అన్నయ్య గాలి జనార్ధన్ రెడ్డిని మించిపోయేలా తన సోదరులు విక్రాంత్ రెడ్డి, వైఎస్ అనిల్ రెడ్డిలను రంగంలోకి దించారని.. మాఫియా పనులు చేయిస్తున్నారని తీవ్ర ఆరోపణలు గుప్పించారు. పరిశీలించేందుకు వెళ్లిన టీడీపీ నేతలను అడ్డుకుని మైనింగ్ మాఫియాకి పోలీసులు అండగా నిలిచారని లోకేష్ ఆగ్రహం వ్యక్తం చేశారు.

Also Read: విజయసాయికి రఘురామ భారీ షాక్.. అదను చూసి..!
Read Also: