ఏపీ స్పీకర్ వీడియో వైరల్.. క్లారిటీ ఇచ్చిన తమ్మినేని

ఏపీ అసెంబ్లీ సమావేశాలు ముగిశాయి. రెండు రోజుల పాటూ జరిగిన బడ్జెట్ సెషన్స్ బుధవారం వాయిదాపడ్డాయి. ఈ సమావేశాల్లో బడ్జెట్‌తో పాటూ పలు కీలక బిల్లులకు అసెంబ్లీ ఆమోదం తెలిపింది. సీఆర్డీఏ చట్ట రద్దు బిల్లు, వికేంద్రకరణ బిల్లు (మూడు రాజధానుల బిల్లు) కూడా ఆమోదించింది. ఇదిలా ఉంటే ఈ బిల్లులు సభలో ఆమోదించే సమయంలో స్పీకర్ తమ్మినేని సీతారాం వ్యాఖ్యలు చేశారంటూ టీడీపీ ఓ వీడియో వైరల్ చేసింది.

ఆ వీడియోలపై స్పీకర్ క్లారిటీ ఇచ్చారు. తనపై తప్పుడు ప్రచారం జరుగుతోందన్నారు.. ఆరోజు తాను వేసుకున్న డ్రెస్ వేరన్నారు. తనపై మార్ఫింగ్ వీడియోలతో ప్రచారం చేస్తున్నారని.. సభలో అందరి ముందు జరిగిన విషయాన్ని వక్రీకరిస్తున్నారన్నారు. దీనిపై క్రిమినల్ చర్యలు తీసుకోవాలని కొందరు తన ద్రుష్టికి తీసుకొచ్చారన్నారు. చట్టపరమైన అంశాన్ని పరిశీలిస్తున్నాను అన్నారు,.

Read Also: జగన్ సర్కార్ గుడ్‌న్యూస్.. వాళ్లకు రూ.24వేలు సాయం
ఈ వీడియోను మాజీ మంత్రి ఆలపాటి రాజా, బొండా ఉమా, టీడీపీ మహిళా అధ్యక్షురాలు వంగలపూడి అనితలు ట్వీట్ చేశారు.