'జగన్‌ను విజయసాయిరెడ్డి బెదిరించి.. త్వరలోనే'

ఏపీలో రాజకీయాలు వేడెక్కాయి. వైఎస్సార్‌సీపీ-టీడీపీల మధ్య మాటల యుద్ధం నడుస్తోంది. ఇరుపార్టీల నేతలో ఒకరిపై మరొకరు మాటల తూటాలు పేల్చుకుంటున్నారు. సిట్ ఏర్పాటుతో పాటూ తాజా పరిణామాలపై సోషల్ మీడియా వేదికగా వార్ నడుస్తోంది. వైఎస్సార్‌సీపీ ఎంపీ విజయసాయిరెడ్డి-టీడీపీ ఎమ్మెల్సీ బుద్దా వెంకన్నలు ట్వీట్‌తో హీటెక్కిస్తున్నారు. విజయసాయి చంద్రబాబు, టీడీపీ నేతలపై సెటైర్లు పేలిస్తే.. వెంకన్న అదే రేంజ్‌లో కౌంటర్ ఇచ్చారు.

6 లక్షల కోట్లు కుంభకోణం అని వైఎస్ జగన్ గారు పుస్తకం రాయించారు. ఆ పుస్తకంలో ఉన్న 6 లక్షల కోట్లు వెతకడానికి తమిళనాడులోని కుంభకోణం వెళ్లి తప్పిపోయారు విజయసాయిరెడ్డి గారు. పార్టీలో A2 పదవి ఇవ్వకపోతే రాసిన దొంగ లెక్కలు బయటపెడతా అని జగన్ గారిని బెదిరించి పదవులు కొట్టేసిన ఆయనలా అందరూ ఉంటారు అనుకుంటే ఎలా అంటూ ఎద్దేవా చేశారు. ఈఎస్ఐ వ్యవహారంలో తన పాత్ర లేదు కాబట్టే అచ్చెన్న దైర్యంగా మీడియా ముందుకు వచ్చి సవాల్ విసిరారని.. 43 వేల కోట్లు కొట్టేసింది జగన్ గారే కాబట్టి మీడియా ముందుకు రావడానికి భయపడి చాటుగా ఉంటున్నారన్నారు. మౌనమే 43 వేల కోట్ల స్కామ్‌కి అంగీకారం సాయి రెడ్డి గారు అన్నారు.
జైలు జీవితం గురించి మీ స్వానుభవంతో చాలా చక్కగా వివరించారు విజయసాయిరెడ్డి గారు అంటూ బుద్దా సెటైర్లు పేల్చారు. కాకపోతే ఆ గట్టున ఉన్నది రస్ అల్ ఖైమా సెంట్రల్ ప్రిసన్.. ఈ గట్టున ఉన్నది చంచల్ గూడ సెంట్రల్ జైలు.. నడి మధ్యన ఉన్నది పావురాల గుట్ట అంటూ విజయసాయి చేసిన ట్వీట్‌కు కాస్త ఘాటుగా కౌంటర్ ఇచ్చారు. పాపం వచ్చేది ఎండాకాలం.. ప్యాలెస్‌లో సెంట్రల్ ఏసీకి అలవాటు పడిన జీవితాలు ఎడారి జైల్లో పరిస్థితి తలుచుకుంటే బాధేస్తుంది.. జైలు పిలుస్తుంది ఊచలు లెక్క పెట్టాలి.. చిప్పకూడు తినాలి అన్నారు.