వైఎస్సార్సీపీ ఎమ్మెల్యే ఉండవల్లి శ్రీదేవికి నేతల నుంచి మద్దతు వ్యక్తమవుతోంది. వినాయక చవితి వేడుకల్లో పాల్గొన్న ఎమ్మెల్యేను టీడీపీ నేతలు కులం పేరుతో దూషించడంతో అవమానానికి గురయ్యారు. ఈ వ్యవహారంపై కేసు నమోదైంది.
Samayam Telugu3 Sep 2019, 7:06 pm
కులవివక్షకు గురైన వైఎస్సార్సీపీ తాడికొండ ఎమ్మెల్యే ఉండవల్లి శ్రీదేవికి పలువురు నేతలు అండగా నిలుస్తున్నారు. కుల వివక్ష వ్యాఖ్యలు చేసిన వారెవరైనా శిక్ష పడాల్సిందేనని నేతలు డిమాండ్ చేస్తున్నారు. టీడీపీ ఎమ్మెల్సీ మాజీ మంత్రి డొక్కా మాణిక్య వరప్రసాద్ కూడా ఎమ్మెల్యే శ్రీదేవికి మద్దతుగా నిలిచారు. సమస్యలు ఉంటే ఎమ్మెల్యేతో చర్చించాలి కానీ దాడులకు దిగాలనుకోవడం తగదన్నారు.
అనంతవరంలో జరిగిన ఘటన దురదృష్టకరమని డొక్కా పేర్కొన్నారు. ఎమ్మెల్యేను అడ్డగించి దుర్భాషలాడడం కరెక్ట్ కాదన్నారు. కులవివక్షాపూరిత వ్యాఖ్యలు చేయడం తగదని, సభ్యసమాజంలో ఇంకా అలాంటి ఆలోచనలు సరికాదన్నారు. అనుచిత వ్యాఖ్యలు చేసిన నిందితులను గుర్తించి కఠినంగా శిక్షించాలన్నారు.
దళిత మహిళా ఎమ్మెల్యేపై కులదూషణకు పాల్పడిన వారిని కఠినంగా శిక్షించాలని ఏపీ మహిళా కమిషన్ చైర్‌పర్సన్ వాసిరెడ్డి పద్మ కోరారు. ఆమె గుంటూరు రూరల్ ఎస్పీని కలిసి మాట్లాడారు. ఒక ఎమ్మెల్యేకే ఇలాంటి ఇబ్బందికర పరిస్థితులు ఎదురైతే సామాన్యుల దుస్థితేంటని ప్రశ్నించారు. వినాయకుడు మైలపడతాడంటూ చేసిన అనుచిత వ్యాఖ్యలను ఆమె ఖండించారు.
టీడీపీ నేతలు రౌడీల్లా ప్రవర్తిస్తున్నారంటూ పెదకూరపాడు ఎమ్మెల్యే నంబూరు శంకర్రావు ఆగ్రహం వ్యక్తం చేశారు. ఓ దళిత ఎమ్మెల్యే పట్ల కులవివక్ష చూపుతూ వ్యాఖ్యలు చేయడం దారుణమన్నారు. నిందితులను తక్షణమే అరెస్టు చేసి శిక్ష పడేలా చూడాలన్నారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
