నా రియల్ లైఫ్ హీరో ఇతడే.. నారా లోకేష్ ఆసక్తికర ట్వీట్

తన కుమారుడు నారా దేవాన్ష్ పుట్టిన రోజు సందర్భంగా తెలుగు దేశం పార్టీ ప్రధాన కార్యదర్శి, ఎమ్మెల్సీ నారా లోకేష్ ఆసక్తికర ట్వీట్ చేశారు. ‘‘నాతో పిల్లో (దిండు) ఫైట్ చేసే బెస్ట్ ఫ్రెండ్.. నాతో కలిసి ఎన్నో అడ్వెంచరస్ ప్రయాణాలు చేసిన నా పార్ట్నర్.. ప్రతి ఒక్కరి పట్ల భేషరుతుగా (అన్‌కండీషనల్) తన ప్రేమను పంచే నా నిజ జీవిత హీరో.. నాకంటే కూడా అమితంగా ప్రేమించే నా కుమారుడికి.. పుట్టిన రోజు శుభాకాంక్షలు. లవ్ యూ దేవాన్ష్’’ అని లోకేష్ ట్వీట్ చేశారు.

నారా లోకేష్, నందమూరి బాలకృష్ణ కుమార్తె బ్రహ్మణికి 2007లో వివాహం జరిగిన విషయం తెలిసిందే. లోకేష్, బ్రహ్మణి దంపతులకు 2015 మార్చి 21న దేవాన్ష్ జన్మించాడు. ప్రస్తుతం ఆరో ఏట అడుగుపెట్టాడు. కొడుకు విషయంలో నారా లోకేష్ అమితమైన ప్రేమ చూపిస్తుంటారు. రాజకీయాల్లో ఎంత బిజీగా ఉన్నా.. ప్రతి ఏటా తన కుమారుడి పుట్టిన రోజు నాడు నారా లోకేష్ ప్రత్యేకంగా విషెస్ చేస్తుంటారు.