CM Jagan కు వర్ల రామయ్య రిక్వెస్ట్.. అందర్నీ పీకేయండి సార్

ఏపీలో మంత్రవర్గ విస్తరణపై అందరిలోనూ టెన్షన్ నెలకొంది. పాతవారిలో ఎవరుంటారు..? కొత్తవారిలో ఎవరికి అవకాశం దక్కుతుందనేది ఆసక్తికరంగా మారింది. మరి కాసేపట్లో లిస్ట్ రిలీజ్ అవుతుండగా.. ఇప్పటికే పలువురి పేర్లు ఖరారు అయ్యాయంటూ జోరుగా ప్రచారం జరుగుతోంది. ఈ నేపథ్యంలో మంత్రి వర్గ విస్తరణపై టీడీపీ నేత వర్గ రామయ్య స్పందించారు.

నోరులేని దళిత హోంమంత్రి సుచరితని తొలగించి.. బూతుల మంత్రి కొడాలి నానిని కొనసాగించాలని చూడడం మంచిది కాదేమోనని ఆయన అన్నారు. ముఖ్యమంత్రి జగన్ మోహన్ రెడ్డి ఒకసారి ఆలోచించాలని సూచించారు. అన్న మాట మీద నిలబడి అందర్నీ పీకేయండి సార్ అని కోరారు. మాట తప్పకండి.. మడెం కూడా తిప్పకండి.. ఎవరి సలహాలు వినకండి అంటూ వర్ల రామయ్య ట్వీట్ చేశారు.


పాత మంత్రులలో పది మందికి చోటు దక్కే అవకాశం ఉందని జోరుగా ప్రచారం జరుగుతోంది. ఈ పదిమందిలో మేకతోటి సుచరితకు దక్కలేదని సమాచారం. కొడాలి నాని మరోసారి మంత్రి పదవి చేపట్టడం ఖాయమని వైఎస్సార్సీపీ వర్గాలు చెబుతున్నాయి. ఈ నేపథ్యంలోనే వర్ల రామయ్య సైటిరికల్ కామెంట్స్ చేశారు. హోంమంత్రి సుచరితని తొలగించి.. కొడాలి నాని కొనసాగించడం మంచి కాదేమోనని అనుమానం వ్యక్తంచేశారు.