బెడిసికొట్టిన టీనేజ్ లవ్‌.. గుంటూరులో మైనర్ల ఆత్మహత్య!

ఓ టీనేజ్ లవ్ స్టోరీ విషాదాంతమైంది. తెలిసీ తెలియని వయస్సులో వారి మధ్య ప్రేమ చిగురించింది. ఆ వ్యవహారం కాస్తా పెద్దలకు తెలియడంతో రెండు కుటుంబాల మధ్య వివాదాలు చెలరేగాయి. రెండు కుటుంబాల మధ్య ఘర్షణ వాతావరణంతో ఆ ప్రేమికులు మనస్థాపానికి గురయ్యారు. తనువు చాలించాలని నిర్ణయానికి వచ్చి ఆత్మహత్యాయత్నం చేశారు. ప్రియుడు మృతి చెందగా ప్రియురాలు ఆస్పత్రిలో చికిత్స పొందుతోంది. ఈ విషాద సంఘటన గుంటూరు జిల్లాలో జరిగింది.

Also Read: కడప జిల్లాలో దారుణం.. భార్యను కొడవలితో కర్కశంగా నరికి..

మాచర్ల మండలం బీకే పాలేనికి చెందిన 17 ఏళ్ల యువకుడు, 16 ఏళ్ల యువతి కొద్దికాలంగా ప్రేమించుకుంటున్నారు. ఆ ఇద్దరి ప్రేమ వ్యవహారం పెద్దలకు తెలియడంతో ఇరు కుటుంబాల మధ్య తీవ్ర ఘర్షణ చోటుచేసుకుంది. రెండు కుటుంబాల మధ్య వివాదం జరగడంతో యువతి మనస్థాపానికి గురైంది. ఇంట్లో ఉన్న ఫినాయిల్ తాగేసింది.

ప్రియురాలు ఫినాయిల్ తాగి ఆత్మహత్యా యత్నం చేసిన విషయం తెలుసుకున్న ప్రియుడు పురుగుల మందు తాగాడు. ఈ ఘటనలో ప్రియుడు మృతి చెందగా ప్రియురాలు ఆస్పత్రిలో చికిత్స పొందుతోంది. ప్రేమికుల ఆత్మహత్యా ప్రయత్నంతో గ్రామంలో విషాదం అలముకుంది.