రెండు తెలుగు రాష్ట్రాలతో పాటు మహారాష్ట్రలో కూడా వర్షాలు తగ్గుముఖం పట్టినా.. గోదావరికి ఇంకా వరద వస్తూనే ఉంది. ఈ వరదల ప్రభావానికి యానం అతాలకుతలమైంది. ఇళ్లల్లోకి నీరు చేరడంతో.. అధికారులు అందర్నీ మొదటి అంతస్థులో ఉండాలంటూ ఆదేశాలు కూడా జారీ చేశారు. కొద్ది కొద్దిగా వరద వచ్చి చేరుతుండటంతో ధవళేశ్వరం బ్యారేజ్ దగ్గర మూడో ప్రమాద హెచ్చరికను అధికారులు కొనసాగించారు. దాంతో ముందు జాగ్రత్త చర్యల్లో భాగంగా అధికారులు యానంలో విద్యా సంస్థలకు సెలవులు ప్రకటించారు.
ధవళేశ్వరం బ్యారేజీ నుంచి 25 లక్షల క్యూసెక్కులకు పైగా నీటిని అధికారులు కిందకు విడుదల చేయడంతో నదీ పరివాహక ప్రాంతాలు నీట మునిగాయి. గోదావరికి దగ్గరలో ఉన్న ఎనిమిది గ్రామాలు పూర్తిగా మునిగిపోవడంతో వారందర్నీ పునరావాస కేంద్రాలకు తరలించారు. అయ్యన్న నగర్ దగ్గర్లో గోదావరి గట్టుకు గండిపడటంతో యానాం జలదిగ్బంధంలో చిక్కుకుంది. దాంతో కేవలం ముప్పై నిమిషాల్లోనే చాలా కాలనీల్లో నడుము లోతు నీళ్లు వచ్చాయి. యానాంలో అయితే ఇప్పటికీ పలు కాలనీలు నీటిలోనే ఉన్నాయి. వరద ప్రభావం మరో మూడు రోజుల పాటు కొనసాగే అవకాశం ఉందని అధికారులు హెచ్చరించారు.
ధవళేశ్వరం బ్యారేజీ నుంచి 25 లక్షల క్యూసెక్కులకు పైగా నీటిని అధికారులు కిందకు విడుదల చేయడంతో నదీ పరివాహక ప్రాంతాలు నీట మునిగాయి. గోదావరికి దగ్గరలో ఉన్న ఎనిమిది గ్రామాలు పూర్తిగా మునిగిపోవడంతో వారందర్నీ పునరావాస కేంద్రాలకు తరలించారు. అయ్యన్న నగర్ దగ్గర్లో గోదావరి గట్టుకు గండిపడటంతో యానాం జలదిగ్బంధంలో చిక్కుకుంది. దాంతో కేవలం ముప్పై నిమిషాల్లోనే చాలా కాలనీల్లో నడుము లోతు నీళ్లు వచ్చాయి. యానాంలో అయితే ఇప్పటికీ పలు కాలనీలు నీటిలోనే ఉన్నాయి. వరద ప్రభావం మరో మూడు రోజుల పాటు కొనసాగే అవకాశం ఉందని అధికారులు హెచ్చరించారు.