AP BRS: జనసేన మేనిఫెస్టో ఏంటో చెప్పండి: తోట చంద్ర శేఖర్

AP BRS: జనసేన చీఫ్ పవన్ కళ్యాణ్‌కి రాజకీయ అనుభవం లేదని.. విమర్శించారు ఏపీ బీఆర్ఎస్ చీఫ్ తోట చంద్రశేఖర్. జనసేన పార్టీ మేనిఫెస్టో ఏంటో చెప్పాలని డిమాండ్ చేశారు. అయితే.. తోట చంద్రశేఖర్ (Thota Chandrasekhar) చేసిన కామెంట్స్‌పై జన సైనికులు భగ్గుమంటున్నారు. మొన్నటిదాకా జనసేన పార్టీలో ఉన్న తోట చంద్రశేఖర్‌కు.. పవన్ కళ్యాణ్‌కి రాజకీయ అనుభవం లేదని ఇవాళ గుర్తుకు వచ్చిందా అని ప్రశ్నిస్తున్నారు. తోటపై తీవ్ర స్థాయిలో ఫైర్ అవుతున్నారు. పదవుల కోసం పార్టీలు మారేవారు ఎందరో ఉంటారని అంటున్నారు. ప్రజా సేవ కోసం నిలబడే వ్యక్తి పవన్ (Pawan Kalyan) మాత్రమే అంటూ సోషల్ మీడియాలో పోస్టులు పెడుతున్నారు. చంద్రశేఖర్ వ్యాఖ్యల పట్ల జనసేన నేతలు, కార్యకర్తలు ఘాటుగా స్పందిస్తున్నారు. అటు ఇతర అంశాలపైనా తోట చంద్రశేఖర్ కీలక కామెంట్స్ చేశారు. ఆంధ్రప్రదేశ్‌లోని అన్ని సమస్యలకు పరిష్కారం తమ దగ్గర ఉందని స్పష్టం చేశారు. ఆంధ్రప్రదేశ్ అభివృద్ధి కేసీఆర్‌తోనే సాధ్యమని.. తెలంగాణ తరహాలో ఆంధ్రప్రదేశ్‌ను అభివృద్ధి చేస్తామని తోట చంద్రశేఖర్ వివరించారు. మూడు రాజధానులు స్పందిస్తూ.. ప్రజలు ఏమి కోరుకుంటే అదే బీఆర్ఎస్ స్టాండ్ అని వ్యాఖ్యానించారు.

• Read Latest Andhra Pradesh News and Telugu News