గుంటూరు: పెట్రోల్ బంక్‌లో విద్యుత్ షాక్.. ముగ్గురు మృతి

గుంటూరు జిల్లా చిలకలూరిపేట మండలం రామచంద్రపురం దగ్గర ఘోర ప్రమాదం జరిగింది. హైవేపై పెట్రోల్ బంక్‌లో విద్యుత్ షాక్‌తో ముగ్గురు చనిపోయారు. పెట్రోల్ బంక్‌లో విద్యుత్ దీపాలు మరమ్మతు చేస్తుండగా ప్రమాదం జరిగింది. 11కేవీ వైర్‌కు ఐరన్ స్టాండ్ తగలడంతో విద్యుత్ షాక్ తగిలింది. ప్రమాదంలో అక్కడికక్కడే ఇద్దరు మృతి , ఆస్పత్రికి తరలిస్తుండగా మరొకరు చనిపోయారు. మృతులు శ్రీనివాసరావు, మౌలాలి, శేఖర్‌గా గుర్తించారు.

విద్యుత్ బల్బ్‌లు మారుస్తుండగా.. ఇనుప స్టాండ్‌‌కు విద్యుత్ వైర్ తగలడంతో ప్రమాదం జరిగింది. చనిపోయినవారు బొప్పూడి, పోలిరెడ్డిపాలెంకు చెందినవారిగా గుర్తించారు. కేసు నమోదు చేసిన పోలీసులు దర్యాప్తు చేస్తున్నారు. ముగ్గురు చనిపోవడం తీవ్ర విషాదాన్ని నింపింది. ముగ్గురూ పెట్రోల్ బంక్‌లో పనిచేస్తున్నారు. ఘటనకు సంబంధించి పూర్తి వివరాలు తెలియాల్సి ఉంది.