విజయవాడ మీదుగా హైదరాబాద్ వెళ్లేవారికి అలర్ట్

విజయవాడ మీదుగా హైదరాబాద్ వెళ్లేవారికి అలర్ట్. విజయవాడలో కీలకమైన కనకదుర్గ ఫ్లై ఓవర్‌ సిద్ధమైంది. భవానీపురం నుంచి దుర్గగుడి మీదుగా రాజీవ్ గాంధీ పార్కు వరకు నిర్మించిన ఈ ఫ్లై ఓవర్ ప్రారంభానికి అధికారులు అన్ని చర్యలు చేపట్టారు. ఇక కాంట్రాక్ట్ తీసుకున్నా సోమా కంపెనీ లోడ్ లారీలను ఒకవైపుగా వెళ్లనిచ్చి లోడ్‌ టెస్ట్‌ నిర్వహించారు. బుధవారం నుంచి ఫ్లై ఓవర్ పై రెండవ లోడ్ టెస్ట్‌కి సిద్ధం అవుతోంది.

కనకదుర్గ ఫ్లై ఓవర్‌పై లోడ్ టెస్ట్ వల్ల విజయవాడలో కొన్ని ట్రాఫిక్ ఆంక్షలు విధించారు. బుధవారం నుంచి ఈ నెల 21 వరకు ఫ్లై ఓవర్ లోడ్ పరీక్షలు నిర్వహించనున్నట్లు అధికారులు ప్రకటించారు. విజయవాడ నుంచి హైదరాబాద్ వైపు వెళ్లే వాహనాలకు ఎలాంటి ట్రాఫిక్ నియంత్రణ లేదని.. హైదరాబాద్ నుంచి విజయవాడ వైపు వెళ్లే వాహనాలు మాత్రం భవానీపురం నుంచి ఆర్టీసీ వర్క్ షాప్- సితార జంక్షన్- సీవీఆర్ ఫ్లై ఓవర్- వైవీఆర్ ఎస్టేట్- పైపుల రోడ్- ఇన్నర్ రింగ్ రోడ్డు- రామవరప్పాడు రింగ్ వైపుగా వెళ్ళాలని సూచించారు.