ఎంపీ విజయసాయిరెడ్డి, రమణ దీక్షితులకు షాకిచ్చిన టీటీడీ

తిరుమల శ్రీవేంకటేశ్వర స్వామి వారి ఆలయ మాజీ ప్రధానార్చకుడు రమణ దీక్షితులు, అధికార వైఎస్సార్ కాంగ్రెస్ పార్టీ జాతీయ ప్రధాన కార్యదర్శి, ఎంపీ విజయసాయిరెడ్డికి తిరుమల తిరుపతి దేవస్థానం (టీటీడీ) ఎట్టలకేలకు షాకిచ్చింది. వీరిద్దరిపై గత తెలుగు దేశం పార్టీ హయాంలో వేసిన పరువు నష్టం కేసును ఉపసంహరించుకోవట్లేదని టీటీడీ స్పష్టం చేసింది. రమణదీక్షితులు, విజయసాయిరెడ్డిపై పరువు నష్టం కేసును వెనక్కి తీసుకునేలా టీటీడీ ప్రయత్నిస్తోందంటూ మీడియాలో కథనాలు వచ్చాయి.

దీంతో ఈ విషయంపై టీటీడీ క్లారిటీ ఇచ్చింది. విజయసాయిరెడ్డి, రమణ దీక్షితులపై ఉన్న పరువు నష్టం కేసును కొనసాగిస్తామని తిరుపతి పదో అదనపు జిల్లా జడ్జి వద్ద టీటీడీ సోమవారం పిటిషన్ దాఖలు చేసింది. 2018లో వీరిద్దరిపై వేసిన పరువు నష్టం కేసును కొనసాగిస్తామని తెలిపింది. 2020లో దాఖలు చేసిన పరువు నష్టం కేసును వెనక్కు తీసుకునే పిటిషన్‌ను రద్దు చేసుకుంటున్నట్లు కోర్టుకు టీటీడీ తెలిపింది.