పవన్ కళ్యాణ్ ప్రచార వాహనాన్ని రెడీ చేయించింది ఈయనే.. ‘వారాహి’ ప్రత్యేకతలివే!

జనసేన పార్టీ అధినేత పవన్‌ కళ్యాణ్‌ ఆంధ్రప్రదేశ్‌ రాష్ట్ర వ్యాప్తంగా పర్యటన కోసం ప్రచార వాహనం సిద్ధమైంది. హైదరాబాద్‌లోని ఓ గ్యారేజీలో ప్రచార వాహనానికి తగ్గట్లుగా మార్పులు చేర్పులు చేశారు. సిద్ధమైన వాహనాన్ని, ట్రయల్‌ రన్‌ను పవన్‌ కళ్యాణ్ బుధవారం హైదరాబాద్‌లో పరిశీలించారు.


ఈ వాహనానికి సంబంధించి జనసేన నాయకుడు తంగెళ్ల ఉదయ్‌ శ్రీనివాస్‌కి కొన్ని ముఖ్య సూచనలను చేశారు. వాహనాన్ని తీర్చిదిద్దిన సాంకేతిక నిపుణులతోనూ చర్చించారు. ప్రచార వాహనానికి సంబంధించి వీడియో, ఫోటోలను పవన్‌ కళ్యాణ్ ట్విటర్‌ ద్వారా పంచుకున్నారు. ఈ వాహనానికి ‘వారాహి’ అని పేరు పెట్టినట్లు పవన్‌ పేర్కొన్నారు. ‘వారాహి’... రెడీ ఫర్ ఎలక్షన్ బ్యాటిల్ అని ప్రకటించారు.

ఈ ఏడాది దసరా తర్వాత పవన్‌ కళ్యాణ్ రాష్ట్రవ్యాప్త పర్యటన ఉంటుందని మొదట్లో ప్రకటించినా.. అది 2023కు వాయిదా పడింది. వచ్చే ఏడాది మొదట్లో పర్యటన ఉండే అవకాశముందని జనసేన పార్టీ వర్గాలు తెలిపాయి.


‘వారాహి’ అంటే ఏంటంటే..
దుర్గాదేవి సప్త మాతృకల్లో ఒకరు ‘వారాహి’. అందుకే ఈ వాహనానికి వారాహి అమ్మవారి పేరు పెట్టారు. అన్ని దిక్కులను కాచే అమ్మవారిగా పురాణాలు చెబుతాయి. ఆ సప్త మాతృకలు రక్త బీజుడు అనే రాక్షసుడిని సంహరించారు.