విజయవాడలో గ్యాంగ్ వార్.. కత్తులతో రెచ్చిపోయిన రెండు గ్రూపులు..!

విజయవాడలో కాలేజీ విద్యార్థులు రౌడీ మూకల్లా రెచ్చిపోయారు. నడిరోడ్డుపై కత్తులతో వీరంగం సృష్టించారు. పటమటలో రెండు విద్యార్థి గ్రూపుల మధ్య వివాదం తలెత్తగా.. కత్తులు, కర్రలు, రాళ్లతో పరస్పర దాడులకు దిగారు. దీంతో బెజవాడ ప్రజలు తీవ్ర భయాందోళనలకు గురవుతున్నారు. దాడిలో గాయపడ్డ వారిని విజయవాడలోని ఓ ప్రైవేట్‌ ఆస్పత్రికి తరలించి చికిత్సను అందిస్తున్నారు. గ్యాంగ్‌వార్‌లో రాజకీయ పార్టీ నేతల అనుచరులు ఉన్నట్లు అనుమానిస్తున్నారు.

Also Read: 5 రోజుల్లోనే పింఛన్ మంజూరు, ఏడాది పొడవునా.. జగన్ సర్కార్ కీలక సంస్కరణ

అయితే విద్యార్థుల గ్యాంగ్ వార్‌కు యనమలకుదురులోని రూ. 2 కోట్ల విలువైన భూమి కారణమని తెలుస్తోంది. ల్యాండ్ డీల్‌కు సంబంధించి రెండు గ్రూపులు జోక్యం చేసుకోవడంతో వివాదం మొదలైనట్లు తెలుస్తోంది. ఈ నేపథ్యంలో రెండు గ్రూపులకు చెందిన 30 మందికి పైగా కాలేజీ విద్యార్థులు కత్తులు, కర్రలతో ఒకరిపై మరొకరు దాడులకు తెగబడ్డారు. దీంతో పలువురు గాయపడ్డారు. వీరిలో ఇద్దరి పరిస్థితి విషమంగా ఉన్నట్లు తెలుస్తోంది.
ఈ వివాదంలో మాజీ రౌడీషీటర్‌ జోక్యం చేసుకున్నారని స్థానికులు చెబుతున్నారు. ఈ ఘటనలో రాజకీయ పార్టీల నేతల అనుచరుల ప్రమేయం కూడా ఉందని వార్తలు వస్తున్న తరుణంలో పోలీసులు రహస్యంగా విచారణ జరుపుతున్నట్టు సమాచారం.

Also Read: శ్రీశైలం దేవస్థానంలో భారీ కుంభకోణం.. సంచలన విషయాలు వెలుగులోకి..