విశాఖవాసులకు అలర్ట్.. ఇంటికి పోలీసుల చలానా వస్తుంది జాగ్రత్త

విశాఖవాసులకు అలర్ట్.. మాస్క్ లేకపోతే బాదుడవిశాఖజిల్లాలో కరోనా కేసులు పెరుగుతున్నాయి. దీంతో వైరస్ కట్టడికి అధికారులు ముందస్తు జాగ్రత్తలు తీసుకుంటున్నారు. ఇప్పటికే మాస్కులు, భౌతిక దూరం వంటి నిబంధనల్ని అమలు చేస్తున్నారు. ఇక మాస్క్ పెట్టుకోకపోతే జరిమానాలతో బాదేస్తున్నారు. మాస్క్‌ లేకుండా ఇంటి నుంచి బయటకు వచ్చేవారికి పోలీసులు జరిమానా విధిస్తున్నారు.

గత నెల 26 నుంచి శనివారం వరకూ మాస్క్‌లేకుండా రోడ్డుపైకి వచ్చిన 7,238 మంది నుంచి రూ.8,68,560 జరిమానా విధించారు. రూ.100 జరిమానాతో పాటు సర్వీసు ఛార్జీ కింద రూ.20 చొప్పున వసూలు చేస్తున్నారు. రోడ్లపైకి వచ్చే పాదచారులు ఎవరైనా మాస్క్‌లేకుండా బయటకు వస్తే నేరుగా వారి నుంచి రూ.100 వసూలు చేస్తున్నారు. అదే బైక్, ఆటో, కారు వంటి వాహనాల్లో ప్రయాణించేవారెవరైనా మాస్క్‌పెట్టుకోకపోతే ఆ వాహనం నంబర్‌తో ఈ చలాన్‌ జారీ చేస్తున్నారు. దీనివల్ల ఆయా వాహనాల్లో ప్రయాణించేవారంతా మాస్కు పెట్టుకునేలా వాహనం యజమానే జాగ్రత్త పడతారనే ఉద్దేశంతో ఇలా చేస్తున్నామంటున్నారు పోలీసులు.