విశాఖ: కరోనాతో భర్త మృతి..శానిటైజర్ తాగిన భార్యాబిడ్డలు

విశాఖలో విషాద ఘటన జరిగింది. డాబాగార్డెన్‌లో ఓ కుటుంబం ఆత్మహత్యాయత్నం చేసింది. స్థానికంగా ఉన్న తుమ్మల రమేష్ కుమార్ అనే వ్యక్తికి కరోనా సోకి ప్రైవేట్ ఆస్పత్రిలో చికిత్స పొందుతూ కన్నుమూశాడు. విషయం తెలుసుకున్న భార్య, ఇద్దరు కుమార్తెలు భయపడిపోయారు.. మానసికంగా కలత చెందారు. వెంటనే శానిటైజర్ తాగి ఆత్మహత్యాయత్నానికి పాల్పడ్డారు. వెంటనే స్థానికులు వారిని కేజీహెచ్ ఆసుపత్రికి తరలించారు. ప్రస్తుతం ముగ్గురు బాధితులు కేజీహెచ్‌లో చికిత్స పొందుతున్నారు.

కరోనా మహమ్మారి ఎన్నో కుటుంబాల్లో ఇలా విషాదాన్ని నింపింది. కుటుంబ పెద్ద మరణంతో మానసికంగా వేదనకు గురవుతున్నారు. చాలామంది ఇలాగే ప్రాణాలు తీసుకున్నారు. ఇటీవల పశ్చిమగోదావరి జిల్లాలో కూడా ఇలాంటి దారుణం జరిగింది. కరోనా మహమ్మారి ఓ కుటుంబంలో తీరని విషాదాన్ని మిగిల్చింది. కుటుంబ పెద్ద దిక్కుగా ఉండే వ్యక్తి కరోనా వైరస్‌తో చనిపోగా.. భార్య, ఇద్దరు పిల్లలు గోదావరిలో దూకేశారు. అంతేకాదు రాష్ట్రవ్యాప్తంగా రెండు, మూడు ఇలాంటి తరహా ఘటనలు జరిగాయి.