Tirupati: ప్రియురాలితో కాపురం పెట్టిన లాయర్.. భార్య రావడంతో గోడదూకి..

తిరుపతిలో షాకింగ్ ఘటన చోటుచేసుకుంది. కట్టుకున్న భార్యను కాదని ప్రియురాలితో కాపురం పెట్టాడో లాయర్. ఆయనను రెడ్‌హ్యాండెడ్‌గా పట్టించేందుకు భార్య రావడంతో గోడదూకి పారిపోయాడు. దీంతో తనకు న్యాయం చేయాలంటూ భర్త ప్రియురాలి ఇంటి ఎదుటే భార్య నిరసనకు దిగింది. ఈ ఘటన తిరుపతి పద్మావతి నగర్‌లో జరిగింది. చిత్తూరుకు చెందిన న్యాయవాది చంద్రమౌళి భార్య కళ్లుగప్పి ప్రియురాలితో కలసి ఉంటున్నారు.

పద్మావతి నగర్‌లో అద్దెకు ఇల్లు తీసుకుని ప్రియురాలితో కాపురం పెట్టాడు. ఆ విషయం భార్యకి తెలిసిపోవడంతో భర్తని రెడ్‌హ్యాండెడ్‌గా పట్టుకునేందుకు ఆమె ఇంటికి చేరుకుంది. చంద్రమౌళి ప్రియురాలితో ఉన్న సమయంలో బంధువులతో వచ్చిన కవిత రెడ్‌హ్యాండెడ్‌గా పట్టుకుంది. వెంటనే తేరుకున్న చంద్రమౌళి ఇంటి వెనక నుంచి గోడదూకి పరారైనట్లు తెలుస్తోంది.

డబ్బు ఆశచూపి అనేక మంది మహిళలతో చంద్రమౌళి అక్రమ సంబంధాలు పెట్టుకున్నాడని ఆరోపణలు వస్తున్నాయి. గతంలో కాల్‌మనీ కేసులో అరెస్టయినట్లు సమాచారం. భర్త అక్కడి నుంచి పారిపోవడంతో ప్రియురాలి ఇంటి ఎదుటే భార్య కవిత నిరసనకు దిగింది. రోడ్డుపై బైఠాయించి తనకు న్యాయం చేయాలంటూ డిమాండ్ చేసింది.

Also Read: పగలు అడవిలో, రాత్రి ఇంట్లో.. ఖాకీల ఎంట్రీతో షాకింగ్