అసభ్య ఫోటోలు... వైసీపీ నేతను చెప్పుతో కొట్టిన మహిళ

ఏపీలో మహిళల రక్షణ కోసం దిశ పోలీస్ స్టేషన్లు ఏర్పాటు చేసిన ఆకతాయిలు రెచ్చిపోతున్నారు. మహిళ పట్ల వేధింపులకు పాల్పడుతూనే ‌ఉన్నారు. తాజాగా సాక్షాత్తు అధికార పార్టీకి చెందిన ఓ నేత ఇదే విషయమై ఓ మహిళ చేత తన్నలు తిన్నాడు. తన ఫోటోల్ని వాట్సాప్‌లో అసభ్యకరంగా పెడుతున్నాడని ఓ మహిళ తీవ్ర ఆగ్రహం వ్యక్తం చేసింది. ఈ క్రమంలోన ఆగ్రహం కట్టెలు తెంచుకొని వైసీపీ నేతను చెప్పుతో కొట్టింది. ఈ ఘటన ప్రకాశం జిల్లాలో చోటు చేసుకుంది.

ప్రకాశం జిల్లా యర్రగొండపాలెం పోలీస్ స్టేషన్ దగ్గర ఉద్రిక్తత చోటుచేసుకుంది. తన ఫొటోలను అసభ్యకరంగా వాట్సప్‌లో పెట్టాడని ఓ మహిళ తీవ్ర ఆగ్రహం చేసింది. ఈ క్రమంలో సహనం కోల్పోయిన ఆ మహిళ వైసీపీ నేతను చెప్పుతో కొట్టింది. దీంతో యర్రగొండపాలెం పీఎస్‌ దగ్గర ఇరువర్గాల మధ్య ఘర్షణ చోటుచేసుకుంది. దీంతో రంగంలోకి దిగిన పోలీసులు ఇరువర్గాలను చెదరగొట్టారు. అయితే అసలు గొడవేంటి? ఆ వైసీపీ నేత ఎవరు..? అనే విషయాలు ఇంకా తెలియాల్సి ఉంది.