YS Sharmila: నేనంటే నాన్నకు ప్రాణం.. తండ్రిని తలుచుకొని కన్నీరు పెట్టిన షర్మిల

YS Sharmila: వరంగల్ జిల్లా నర్సంపేట నియోజకవర్గంలో వైఎస్ షర్మిల ప్రజాప్రస్థానం పాదయాత్ర చేపట్టారు. ఈ నేపథ్యంలో రెండ్రోజుల క్రితం అక్కడ ఉద్రిక్త పరిస్థితులు నెలకొన్నాయి. దీంతో షర్మిలను పోలీసులు అరెస్టు చేసి.. హైదరాబాద్ తరలించారు. ఈ సమయంలో.. షర్మిల ప్రగతి భవన్ ముట్టడికి స్వయంగా కారు నడుపుకుంటూ వచ్చారు. దీంతో పోలీసులు షర్మిలపై పలు సెక్షన్ల కింద కేసులు నమోదు చేశారు. ఆ తర్వాత న్యాయస్థానం షర్మిలకు బెయిల్ మంజూరు చేసింది. అలాగే పాదయాత్రకు కూడా షరతులతో కూడిన అనుమతి ఇచ్చింది. ఈ నేపథ్యంలో షర్మిల పలు ఛానెళ్లకు ఇంటర్వ్యూ ఇచ్చారు. తన తండ్రిని తల్చుకొని కన్నీరు పెట్టారు. 'నేనంటే నాన్నకు ప్రాణం. నాన్నంటే నాకు అంతే. అసలు రాజశేఖర్ రెడ్డి ఉండి ఉంటే.. కోట్ల మంది ప్రజల బతుకులు బాగుపడేవి. అది చాలాచాలా బాధాకరం. ఇంకా కొంత కాలం బతికి ఉన్నా కూడా.. ఎంతోమంది జీవితాలు మారిపోయేవి. ప్రతీదాంట్లో లోటు ఉంది. అది స్పష్టంగా కనిపిస్తుంది. అసలు ఎంత గొప్ప మనసు.. ఎంత పెద్ద మనిషి. అలాంటి రాజశేఖర్ రెడ్డి పాలన తెలంగాణ ప్రజలకు మళ్లీ అందించాలని సంకల్పించా. ఇంత మంది ప్రేమించారు. ఇంత మంది చనిపోయారు. వీళ్లకోసం మనం ఇది చేయలేమా అని నా గుండెల మీద నాన్న ఒక విల్లు రాసినట్టు అనిపించింది' వైఎస్ షర్మిల వ్యాఖ్యానించారు.
Read Latest Andhra Pradesh News and Telugu News