ఎక్కడి నుంచి ఏ.. ఆర్ఎస్ వచ్చినా ఏపీలో ఏం జరగదు: పేర్ని నాని

YSRCP: ఖమ్మంలో నిర్వహించిన బీఆర్ఎస్ ఆవిర్భావ సభలో కేసీఆర్ చేసిన ప్రసంగంపై రియాక్షన్లు మొదలయ్యాయి. ఏపీ, తెలంగాణకు చెందిన పలువురు నాయకులు కేసీఆర్ స్పీచ్‌పై స్పందిస్తున్నారు. తాజాగా.. కేసీఆర్ ప్రసంగంపై వైఎస్సార్సీపీ సీనియర్ నేత, మాజీ మంత్రి పేర్ని నాని రియాక్ట్ అయ్యారు. అంత పెద్ద సభ పెట్టినందుకు ఏదో ఒకటి మాట్లాడాలి కాబట్టి మాట్లాడినట్లే ఉందన్నారు. ఏపీ రాజకీయాల్లో కేసీఆర్ గానీ.. బీఆర్ఎస్ (BRS) గానీ ఎలాంటి ప్రభావాన్ని చూపబోదని పేర్ని నాని స్పష్టం చేశారు. ఏ ఆర్ఎస్ వచ్చినా.. ఏపీ రాజకీయాలను ప్రభావితం చేయలేదని చెప్పారు. ముఖ్యమంత్రి వైఎస్ జగన్ మోహన్ రెడ్డి (YS Jagan Mohan Reddy) ప్రభుత్వంపై ప్రజల్లో వ్యతిరేకత కనిపించట్లేదని.. పేర్ని నాని వ్యాఖ్యానించారు. అలాంటప్పుడు మరో పార్టీ వైపు ప్రజలు ఎందుకు చూస్తారని ప్రశ్నించారు. పేదలు, అణగారిన వర్గాలు, బడుగు-బలహీన వర్గాల ఆదరణను జగన్ చూరగొన్నారని.. ఆయనను దాటుకుని కేసీఆర్ వెళ్లగలరా? అని ప్రశ్నించారు. అది సాధ్యం అయ్యే పని కాదని స్పష్టం చేశారు. దేశ రాజకీయాల్లో మార్పు ఎలా సాధ్యపడుతుందన్నారు. ఎవ్వరు ఏపీకి వచ్చినా.. ప్రజలు మాత్రం జగన్ వైపే ఉన్నారు వ్యాఖ్యానించారు.

• Read Latest Andhra Pradesh News and Telugu News