'జగన్మోహనం కావాలా.. చంద్ర గ్రహణం కావాలా మీరే తేల్చుకోండి'

పొట్లూరి వరప్రసాద్ అలియాస్ పీవీపీ.. వ్యాపార రంగం నుంచి టాలీవుడ్‌కు వెళ్లి.. అక్కడి నుంచి మళ్లీ రాజకీయాల వైపు అడుగులు వేసిన వ్యక్తి. సినిమాలు, వ్యాపారాలకు కాస్త దూరంగా ఉంటూ సీరియస్‌గా రాజకీయాలపై ఫోకస్ పెట్టారు. 2019 ఎన్నికల్లో ఎదురైన పరాజయం నుంచి తేరుకొని మళ్లీ ప్రజల్లోకి వెళ్లే ప్రయత్నం చేస్తున్నారు. సోషల్ మీడియాలో యాక్టివ్‌గా ఉంటూ దూకుడు పెంచారు. టీడీపీతో పాటూ చంద్రబాబును టార్గెట్ చేస్తూ.. జగన్ చేస్తున్న సంక్షేమ పథకాలపై స్పందిస్తున్నారు. సినిమా నాలెడ్జ్‌తో కాస్త పంచ్‌లు జోడించి ప్రత్యర్థి పార్టీలపై విరుచుకుపుడుతున్నారు.

Read Also: 'జగన్ గారు జనాలు మిమ్మల్ని మెచ్చుకుంటారు'.. టీడీపీ ఎంపీ ఆసక్తికర వ్యాఖ్యలు

తాజాగా పింఛన్ పంపిణీ కార్యక్రమంపై పీవీపీ తనదైన స్టైల్లో స్పందించారు. పెన్షన్ ఇంటికి పంపించే ప్రభుత్వం ఒకటి, ఉద్యోగులను నిరుద్యోగులను చేసి ఇంటికి పంపే ప్రభుత్వం ఇంకొకటి.. మీరే ఎంపిక చేసుకోండి ఆంధ్రులారా.. చంద్రగ్రహణమా లేక జగన్మోహనమా.. జై ఆంధ్రా అంటూ పీవీపీ (పొట్లూరి వరప్రసాద్) ట్వీట్ చేశారు.
\అంతకముందు ట్వీట్‌లో కృష్ణా కరకట్టపై రిటైనింగ్ వాల్‌ కోసం రూ.126 కోట్లను ప్రభుత్వం విడుదల చేసింది. ఈ అంశాన్ని ప్రస్తావిస్తూ.. ధన్యవాదాలు జగన్ గారూ కృష్ణలంక కరకట్ట వాసుల కల నెరవేర్చారన్నారు. వారందరి తరుపున మీకు హృదయపూర్వక ధన్యవాదములు తెలిపారు.