జనసేన నాయకురాలు అరుణతో ఫోన్ సంభాషణ వివాదంపై బాలినేని అనుచరుడు, వైఎస్సార్సీపీ నేత సాంబశివరావు స్పందించారు. జనసేన రాష్ట్ర అధికార ప్రతినిధి రాయపాటి అరుణకు ఆయన క్షమాపణలు చెప్పారు. అరుణది తమ స్వగ్రామం కావడంతో.. ఆమెతో గత 15 సంవత్సరాలుగా ఉన్న చనువుతో మాత్రమే తాను ఫోన్ చేసి మాట్లాడానని తెలిపారు. తాను ఫోన్ చేయడానికి, వైఎస్సార్సీపీకి సంబంధం లేదన్నారు. అరుణతో ఫోన్లో మాట్లాడిన విషయమై మాజీ మంత్రి బాలినేని తనను పిలిపించి మాట్లాడారని.. మీలాంటి వారు ఇలాంటి చేష్టలు చేయడం వల్ల పార్టీకి చెడ్డపేరు వస్తుందని మందలించారని ఆయన తెలిపారు.
అరుణకు బాలినేని అనుచరుడైన సాంబశివరావు అర్ధరాత్రి సమయంలో ఫోన్ చేసి.. ఆమె మాన మర్యాదలకు భంగం కలిగేలా మాట్లాడారంటూ జనసేన అధినేత పవన్ కళ్యాణ్ ఆగ్రహం వ్యక్తం చేసిన సంగతి తెలిసిందే. ఇదేం పద్ధతి అని ఆయన అధికార పార్టీ నేతలను నిలదీశారు. ఈ విషయాన్ని బాలినేని దృష్టికి తీసుకెళ్లారు. ఈ నేపథ్యంలో బాలినేని జోక్యం చేసుకొని తన అనుచరుడితో మాట్లాడటంతో ఆయన క్షమాపణలు చెప్పారు.
అరుణ విషయమై పవన్ కళ్యాణ్ మాట్లాడుతూ.. ‘మాజీ మంత్రి బాలినేని శ్రీనివాసరెడ్డి గారికి తెలియజేసేది ఒక్కటే... మీ అనుచరులకు ఇది పద్ధతి కాదని చెప్పండి’ అంటూ హితవు పలికారు. ఈ విషయాన్ని ప్రసారం చేసిన మీడియాను బెదిరించే విధంగా కేసులు నమోదు చేయడం అప్రజాస్వామికమన్నారు. అరుణకు ఫోన్ చేసిన పవన్ ధైర్యంగా ఉండాలని సూచించారు. ఆమెను వేధించిన ఘటనను ప్రసారం చేసిన మహా టీవీ, 99 టీవీ చానళ్లపై కేసులు నమోదు చేయడాన్ని జనసేనాని ఖండించారు.
అరుణకు బాలినేని అనుచరుడైన సాంబశివరావు అర్ధరాత్రి సమయంలో ఫోన్ చేసి.. ఆమె మాన మర్యాదలకు భంగం కలిగేలా మాట్లాడారంటూ జనసేన అధినేత పవన్ కళ్యాణ్ ఆగ్రహం వ్యక్తం చేసిన సంగతి తెలిసిందే. ఇదేం పద్ధతి అని ఆయన అధికార పార్టీ నేతలను నిలదీశారు. ఈ విషయాన్ని బాలినేని దృష్టికి తీసుకెళ్లారు. ఈ నేపథ్యంలో బాలినేని జోక్యం చేసుకొని తన అనుచరుడితో మాట్లాడటంతో ఆయన క్షమాపణలు చెప్పారు.
అరుణ విషయమై పవన్ కళ్యాణ్ మాట్లాడుతూ.. ‘మాజీ మంత్రి బాలినేని శ్రీనివాసరెడ్డి గారికి తెలియజేసేది ఒక్కటే... మీ అనుచరులకు ఇది పద్ధతి కాదని చెప్పండి’ అంటూ హితవు పలికారు. ఈ విషయాన్ని ప్రసారం చేసిన మీడియాను బెదిరించే విధంగా కేసులు నమోదు చేయడం అప్రజాస్వామికమన్నారు. అరుణకు ఫోన్ చేసిన పవన్ ధైర్యంగా ఉండాలని సూచించారు. ఆమెను వేధించిన ఘటనను ప్రసారం చేసిన మహా టీవీ, 99 టీవీ చానళ్లపై కేసులు నమోదు చేయడాన్ని జనసేనాని ఖండించారు.