పార్లమెంట్‌లో ‘దిశ’ ఘటనపై తీవ్ర చర్చ.. హాయిగా నిద్రపోయిన వైసీపీ ఎంపీ.!

శంషాబాద్‌ హత్యాచార ఘటనపై పార్లమెంట్‌లో వాడీవేడి చర్చ జరిగింది. జీరో అవర్‌లో దిశ హత్యోదంతంపై జరిగిన చర్చలో అన్ని పార్టీల ఎంపీలు ఘటనను తీవ్రంగా ఖండించారు. నిందితులు భయపడేలా చట్టాలు చేయాలని డిమాండ్ చేశారు. అయితే లోక్‌సభలో జస్టిస్ ఫర్ దిశపై చర్చ జరుగుతున్న సమయంలో వైసీపీ ఎంపీ ఒకరు నిద్రపోతూ కనిపించడం చర్చనీయాంశమైంది.

దేశవ్యాప్తంగా మహిళలపై జరుగుతున్న అత్యాచారాలు, హత్యల, వేధింపులపై చర్చ జరుగుతున్న సమయంలో ఎంపీ నిద్రపోవడంపై విమర్శలు వస్తున్నాయి. నెటిజన్లు ఓ రేంజ్‌లో ట్రోల్ చేస్తున్నారు. దిశ హత్యోదంతంపై చర్చ జరుగుతుండగా వైసీపీ హిందూపురం ఎంపీ గోరంట్ల మాధవ్ నిద్రపోతూ కనిపించారు. ఆ ఫొటోలు కాస్త సోషల్ మీడియాలో వైరల్ కావడంతో నెటిజన్లు విరుచుకుపడుతున్నారు.

Also Read: ఆ ఆఫీస్‌లో లంచాలు తీసుకోరట.. బోర్డు పెట్టించిన అధికారి

మహిళలపై జరుగుతున్న దారుణాలపై చర్య జరుగుతుంటే శుభ్రంగా నిద్రపోయిన వైసీపీ ఎంపీ గోరంట్ల మాధవ్ అని నెటిజన్లు కామెంట్లు చేస్తున్నారు. ఈయన గతంలో పోలీస్ ఉద్యోగం కూడా వెలగబెట్టాడు. ఆడపిల్లల రక్షణ గురించి ఏ మాత్రం చిత్తశుద్ధి లేని ఈయన పోలీసు ఉద్యోగం ఎంత ఘనంగా వెలగబెట్టాడో అర్థం చేసుకోవచ్చంటూ మండిపడుతున్నారు. నిద్రపోవడానికా పార్లమెంట్‌కి వెళ్లింది. అదేదో గెస్ట్‌హౌస్‌లోనే పడుకోవచ్చుగా అంటూ ఘాటు విమర్శలు చేస్తున్నారు.

పార్లమెంట్‌లో దిశ హత్యోదంతంపై జరిగిన చర్చలో హైదరాబాద్‌ నగరానికి కూతవేటు దూరంలో ఈ దారుణం జరగడం కలచివేసిందని.. జాతీయ, రాష్ట్ర రహదారుల సమీపంలో మద్యం అమ్మకాలను జరపారదన్న సుప్రీంకోర్టు ఆదేశాలను అమలు చేయడంలేదని సభ్యులు ఆందోళన వ్యక్తం చేశారు. ఫాస్ట్‌ట్రాక్‌ కోర్టు ఏర్పాటు చేసి నిందితులను కఠినంగా శిక్షించాలని ముక్తకంఠంతో డిమాండ్ చేశారు.

Read Also: చిత్తూరులో ఘోర రోడ్డు ప్రమాదం.. స్పాట్‌లోనే ముగ్గురు యువకులు..