ఏపీ రాజకీయాల్లో మాజీ ఎంపీ, వైఎస్సార్‌సీపీ (YSRCP) ఎంపీ భేటీ ఆసక్తికరంగా మారింది. మాజీ ఎంపీ జీవీ హర్షకుమార్(Gv Harsha Kumar)ను ఆయన నివాసంలో వైఎస్సార్‌సీపీ ఎంపీ పిల్లి సుభాష్ చంద్రబోస్ (Pilli Subhash Chandra Bose) సమావేశం అయ్యారు. ఈ సమావేశం తర్వాత ఎంపీ బోస్ మీడియాతో ఏమీ మాట్లాడకుండానే వెళ్లిపోయారు. దీంతో ఈ ఇద్దరి భేటీ చర్చనీయాంశమైంది. హర్షకుమార్‌ను వైఎస్సార్‌సీపీలోకి ఆహ్వానించారనే ప్రచారం జరిగింది. అయితే బంధువుల సమస్యకు సంబంధించి పాత మిత్రుడు హర్షకుమార్‌ను కలిసినట్లు ఎంపీ బోస్ క్లారిటీ ఇచ్చారట.
ఇటీవల కాంగ్రెస్ కొత్త కమిటీల ఏర్పాటుపై మాజీ ఎంపీ జీవీ హర్షకుమార్ తన అసంతృప్తిని వ్యక్తం చేసిన సంగతి తెలిసిందే. తనకు ఇచ్చిన క్యాంపెయిన్ కమిటీ ఛైర్మన్ పదవిని వద్దని.. తాను కాంగ్రెస్ పార్టీలో సామాన్య కార్యకర్తగానే కొనసాగుతాను అన్నారు. రాష్ట్రంలో ప్రస్తుతం ఉన్న అన్ని రాజకీయపార్టీల అధ్యక్షులు అగ్ర కులాల వారే ఉన్నారని వివరించారు. కాంగ్రెస్ ఏపీ అధ్యక్ష పదవి కూడా అగ్ర కులాలకే ఇచ్చారన్నారు.
మొదటి నుంచి జీవీ హర్షకుమార్ కాంగ్రెస్ పార్టీలో కొనసాగారు. గతంలో NSUI, యూత్ కాంగ్రెస్‌తో పాటూ మరికొన్ని విభాగాల్లో పదవుల్లో పనిచేశారు. 2004, 2009 ఎన్నికల్లో అమలాపురం నుంచి ఎంపీగా విజయం సాధించిన సంగతి తెలిసిందే. రాష్ట్ర విభజన తర్వాత పరిస్థితి మొత్తం మారిపోయింది.. ఆ తర్వాత ఆయన పెద్దగా యాక్టివ్‌గా లేరు. 2019 ఎన్నికలకు ముందు హర్షకుమార్ టీడీపీలో చేరారు.. ఆయనకు అమలాపురం టికెట్ వస్తుందని భావించారు. కానీ టీడీపీ టికెట్ ఇవ్వలేదు.. మళ్లీ టీడీపీకి గుడ్ బై చెప్పి తిరిగి కాంగ్రెస్ పార్టీలో చేరిన సంగతి తెలిసిందే. మళ్లీ ఇప్పుడు వైఎస్సార్‌సీపీలో చేరబోతున్నారని ప్రచారం జరుగుతోంది. మరి హర్షకుమార్ కాంగ్రెస్ పార్టీలోనే కొనసాగుతారా.. లేక రూట్ మార్చి వైఎస్సార్‌సీపీలోకి వెళతారా అన్నది చూడాలి.
ఇటీవల కాంగ్రెస్ కొత్త కమిటీల ఏర్పాటుపై మాజీ ఎంపీ జీవీ హర్షకుమార్ తన అసంతృప్తిని వ్యక్తం చేసిన సంగతి తెలిసిందే. తనకు ఇచ్చిన క్యాంపెయిన్ కమిటీ ఛైర్మన్ పదవిని వద్దని.. తాను కాంగ్రెస్ పార్టీలో సామాన్య కార్యకర్తగానే కొనసాగుతాను అన్నారు. రాష్ట్రంలో ప్రస్తుతం ఉన్న అన్ని రాజకీయపార్టీల అధ్యక్షులు అగ్ర కులాల వారే ఉన్నారని వివరించారు. కాంగ్రెస్ ఏపీ అధ్యక్ష పదవి కూడా అగ్ర కులాలకే ఇచ్చారన్నారు.
మొదటి నుంచి జీవీ హర్షకుమార్ కాంగ్రెస్ పార్టీలో కొనసాగారు. గతంలో NSUI, యూత్ కాంగ్రెస్‌తో పాటూ మరికొన్ని విభాగాల్లో పదవుల్లో పనిచేశారు. 2004, 2009 ఎన్నికల్లో అమలాపురం నుంచి ఎంపీగా విజయం సాధించిన సంగతి తెలిసిందే. రాష్ట్ర విభజన తర్వాత పరిస్థితి మొత్తం మారిపోయింది.. ఆ తర్వాత ఆయన పెద్దగా యాక్టివ్‌గా లేరు. 2019 ఎన్నికలకు ముందు హర్షకుమార్ టీడీపీలో చేరారు.. ఆయనకు అమలాపురం టికెట్ వస్తుందని భావించారు. కానీ టీడీపీ టికెట్ ఇవ్వలేదు.. మళ్లీ టీడీపీకి గుడ్ బై చెప్పి తిరిగి కాంగ్రెస్ పార్టీలో చేరిన సంగతి తెలిసిందే. మళ్లీ ఇప్పుడు వైఎస్సార్‌సీపీలో చేరబోతున్నారని ప్రచారం జరుగుతోంది. మరి హర్షకుమార్ కాంగ్రెస్ పార్టీలోనే కొనసాగుతారా.. లేక రూట్ మార్చి వైఎస్సార్‌సీపీలోకి వెళతారా అన్నది చూడాలి.
- Read Latest Aand Telugu News