TTD భూముల అమ్మకంపై వైసీపీ ఎంపీ సంచలన వ్యాఖ్యలు.. జగన్ సర్కార్‌కు షాకిచ్చేలా

టీటీడీ భూముల అమ్మకంపై ఏపీలో దుమారం రేగింది. ఈ నిర్ణయాన్ని తప్పుబడుతూ ప్రతిపక్షాలు మండిపడుతుంటే.. టీడీపీ ప్రభుత్వ హయాంలో జరిగిన నిర్ణయమని అధికార పార్టీ నేతలు అంటున్నారు. ఓవైపు దీనిపై రగడ జరుగుతుంటే.. తాజాగా భూముల అమ్మకాలపై వైఎస్సార్‌సీపీ ఎంపీ రఘురామకృష్ణంరాజు సంచలన వ్యాఖ్యలు చేశారు. శ్రీవారి భక్తుడిగా తన అభిప్రాయాలను ఓ న్యూస్ ఛానల్ ఇంటర్వ్యూలో పంచుకున్నారు.

Read Also: ఏపీలో సీజ్ చేసిన వాహన యజమానులకు పోలీసుల అలర్ట్

వెంకటేశ్వర స్వామికి సంబంధించిన ఏ నిర్ణయం ఉన్నా అది టీటీడీ పాలకమండలి నిర్ణయం తీసుకుంటే చాలు అంటే వ్యక్తిగతంగా తాను వ్యతిరేకం అన్నారు కృష్ణంరాజు. చాలామంది భక్తుల మనోభావాలకు సంబంధించిన వ్యవహారమని గుర్తు చేశారు. 36మంది సభ్యుల అభిప్రాయం భక్తుల మనోభావం అంటే ఒప్పుకోనని.. భూముల అమ్మకంపై తనను సలహా అడిగితే.. తొందపడి నిర్ణయం తీసుకోవద్దన్నారు. ఇదాంతా తన వ్యక్తిగత అభిప్రాయం అన్నారు.

Also Read: ఏపీ: ఎండలు బాబోయ్.. మరో 4 రోజులు ఈ జిల్లాల ప్రజలు జాగ్రత్త

వెంకటేశ్వరస్వామికి తాను పెద్ద భక్తుడ్ని అని.. స్వామి అంటే భయం కూడా అన్నారు వైఎస్సార్‌సీపీ ఎంపీ. ఎవరినైనా మోసం చేయొచ్చు కానీ వెంకన్నను మోసం చేయలేరని తన వ్యక్తిగతమైన విశ్వాసం అన్నారు. భక్తుడు స్వామికి భూమి ఇచ్చాడంటే.. అవసరాల కోసం అమ్మేసుకోమని కాదన్నారు. దేవుడి మీద ప్రేమతో ఆ భూమి మీద ఆదాయం స్వామికి చెల్లాలని భావిస్తారన్నారు. ఈ నిర్ణయం తొందపాటేమోనని తన అభిప్రాయం అన్నారు. దేవుడి భూముల్ని అమ్మకూడదని హైకోర్టు తీర్పు ఉందని.. అనవసరంగా నిర్ణయం తీసుకుందేమోనని అనిపించింది అన్నారు.

Please Vote: పోల్: జగన్ ఏడాది పాలన ఎలా ఉంది?