చంద్రన్న రక్తపాత దినోత్సవం.. వైసీపీ ఎంపీ సంచలన ట్వీట్

టీడీపీ అధినేత చంద్రబాబును ట్విట్టర్‌లో టార్గెట్ చేశారు వైఎస్సార్‌సీపీ ఎంపీ విజయసాయిరెడ్డి. హైదరాబాద్ బషీర్‌బాగ్‌లో జరిగిన కాల్పుల ఘటనకు నేటితో 20 ఏళ్లు పూర్తవుతున్నాయనంటూ ట్వీట్ చేశారు. చంద్రబాబుపై ఎంపీ విరుచుకుపడ్డారు. విశ్వాస ఘాతకుడిగా 25 ఏళ్లు పూర్తి చేసుకొని ఆగస్ట్ 25న 'వెన్నుపోటు' దినోత్సవం జరుపుకున్న బాబు.. ఆగస్ట్28 'చంద్రన్న రక్తపాత దినోత్సవం' జరుపుకుంటున్నారు. బషీర్‌బాగ్‌లో బాబు సృస్టించిన మారణహోమం నేటికి 20 ఏళ్లు. నీవు ఎంత క్రూరుడివో, ఎంతటి విధ్వంసకారుడివో చరిత్రే చెబుతుంది బాబు.
ఆగస్టు 28 2000న తెలుగుదేశం పార్టీ అధికారంలో ఉన్న సమయంలో హైదరాబాద్‌ బషీర్‌బాగ్ ప్రాంతంలో ప్రైవేటీకరణ విధానాల అమలు, విద్యుత్‌రంగ సంస్కరణల్లో భాగంగా విద్యుత్‌చార్జీలు పెంచుతూ తీసుకున్న నిర్ణయంపై రాష్ట్రవ్యాప్తంగా నిరసనలు చేశారు.ఈ ఆందొళనల్లో భాగంగా.. సీపీఐ, సీపీఎం, న్యూడెమోక్రసీ, ఇతర వామపక్షాలు కలిసి రాష్ట్రవ్యాప్త ఆందోళన చేపట్టాయి. అదే సమయంలో అసెంబ్లీ సమావేశాల నిర్వహించాలని భావించింది. ఆగస్టు 28న వామపక్షాలు, కాంగ్రెస్‌ పార్టీ విడివిడిగా చలో అసెంబ్లీకి పిలుపునిచ్చాయి. పోలీసులు ఎక్కడిక్కడే అడ్డుకోగా.. ఆందోళనకారులు ఇందిరాపార్కు ధర్నాచౌక్‌కు చేరుకున్నారు.

నిరసనకారులు అక్కడి నుంచి అసెంబ్లీ వస్తుండగా.. ఇనుప కంచెలు, బ్యారికేడ్లతో పోలీసులు నిలువరించే ప్రయత్నం చేశారు. కానీ వాటిని తోసుకుంటూ బషీర్‌బాగు వైపుగా వెళ్లారు.. అక్కడ ఫ్లైఓవర్‌ కింద పెద్ద సంఖ్యలో పోలీసులను మోహరించారు. అక్కడకు కార్యకర్తలు చేరుకోకుండా పోలీసులు ఎక్కడికక్కడ లాఠీచార్జీలు, భాష్పవాయుగోళాలు ప్రయోగించి, గుర్రాలతో అడ్డుకునే ప్రయత్నం చేశారు. తర్వాత పరిస్థితి తీవ్రంగా మారడంతో పోలీసులు కాల్పులు జరపగా.. ముగ్గురు చనిపోయారు.