వైసీపీ ఎంపీ విజయసాయిరెడ్డికి కరోనా పాజిటివ్

అధికార వైఎస్సార్ కాంగ్రెస్ పార్టీ అగ్రనేత, రాజ్యసభ సభ్యుడు విజయసాయిరెడ్డికి కరోనా పాజిటివ్ అని తేలింది. విజయసాయిరెడ్డికి కరోనా పరీక్షలు నిర్వహించగా పాజిటివ్ అని నిర్ధారణ అయింది. ఈ మేరకు మంగళవారం సాయంత్రం విషయం బయటికి వచ్చింది. తనకు కరోనా పాజిటివ్ వచ్చినట్టు విజయసాయిరెడ్డి స్వయంగా ప్రకటించకపోయినప్పటికీ పరోక్షంగా ఈ విషయాన్ని నిర్ధారించారు. తాను 10 రోజుల పాటు సెల్ఫ్ క్వారంటైన్‌లోకి వెళ్తున్నట్టు ట్వీట్ చేశారు.

Must Read: ఏపీలో కరోనా ఉగ్రరూపం: 24 గంటల్లో 62 మంది మృతి.. కేసుల్లో రికార్డు బ్రేక్

ప్రస్తుత కరోనా పరిస్థితుల దృష్ట్యా సెల్ఫ్ క్వారంటైన్‌లోకి వెళ్లాలని నిర్ణయించుకున్నట్లు ప్రకటించారు. జాగ్రత్త వహించడంలో భాగంగా వారం నుంచి 10 రోజుల వరకు క్వారంటైన్‌లోకి వెళ్తున్నట్లు తెలిపారు. ఈ వారం పది రోజుల పాటు టెలిఫోన్‌లో కూడా అందుబాటులో ఉండనని వెల్లడించారు. అత్యవసరమైతే తప్ప ఎవరూ తనకు ఫోన్ చేయొద్దని కోరారు.

Must Read: వైసీపీ ఎమ్మెల్యే భర్త కన్నుమూత

విజయసాయిరెడ్డికి కరోనా పాజిటివ్ అన్న వార్త బయటకు రావడంతో ఆయన త్వరగా కోలుకోవాలంటూ సోషల్ మీడియాలో పోస్టులు పెడుతున్నారు. ఏపీలో ఇప్పటి వరకు ఉప ముఖ్యమంత్రి అంజద్ బాషా సహా ఆరుగురు వైసీపీ ఎమ్మెల్యేలకు కరోనా పాజిటివ్‌గా నిర్ధారణ అయింది. విజయనగరం జిల్లా ఎస్.కోట ఎమ్మెల్యే కడుబండి శ్రీనివాసులు, గుంటూరు జిల్లా పొన్నూరు ఎమ్మెల్యే కిలారి రోశయ్యకు, నెల్లూరు జిల్లా సూళ్లూరుపేట ఎమ్మెల్యే కిలివేటి సంజీవయ్య, కర్నూలు జిల్లా శ్రీశైలం ఎమ్మెల్యే శిల్పా చక్రపాణి రెడ్డి, గుంటూరు జిల్లా తెనాలి ఎమ్మెల్యే అన్నాబత్తిన శివకుమార్ కరోనా బారినపడ్డారు. తాజాగా, వైసీపీ ఎంపీ విజయసాయిరెడ్డికి సైతం కరోనా సోకింది.

Also Read: ఏపీలో ఘోరం.. పోలీస్ స్టేషన్‌లోనే దళిత యువకుడికి శిరోముండనం.. వైసీపీ నేతను అడ్డుకుంటే..