యాప్నగరం

కేసీఆర్ కాళ్లు మొక్కిన విజయసాయి.. సీఎంల భేటీలో ఆసక్తికర సన్నివేశం

తెలుగు రాష్ట్రాల భేటీ సందర్భంగా ఆసక్తికర సంఘటన చోటుచేసుకుంది. జగన్ వెంట వచ్చిన వైసీపీ ఎంపీలను కేసీఆర్ ప్రత్యేకంగా పలకరించారు. టీ సీఎం కేసీఆర్, కేటీఆర్.. సీఎం జగన్‌కు ఘన స్వాగతం పలికారు.

Samayam Telugu 13 Jan 2020, 4:35 pm
ఏపీ సీఎం వైఎస్ జగన్, తెలంగాణ ముఖ్యమంత్రి కేసీఆర్ భేటీ కొనసాగుతోంది. హైదరాబాద్‌లోని ప్రగతి భవన్‌కు వచ్చిన సీఎం జగన్‌కు కేసీఆర్, ఆయన తనయుడు, తెలంగాణ మంత్రి కేటీఆర్ ఎదురెళ్లి ఘనస్వాగతం పలికారు. శాలువాతో సత్కరించి ప్రగతి భవన్‌లోకి ఆహ్వానించారు. సీఎం జగన్ వెంట వైసీపీ ఎంపీలు విజయసాయి రెడ్డి, పెద్దిరెడ్డి మిథున్ రెడ్డి, వేమిరెడ్డి ప్రభాకర్ రెడ్డి ఉన్నారు.
Samayam Telugu kcr vijayasai


తెలుగు రాష్ట్రాల భేటీ సందర్భంగా ఆసక్తికర సంఘటన చోటుచేసుకుంది. తెలంగాణ సీఎం కేసీఆర్ ఏపీ సీఎం జగన్‌ను ఆహ్వానించి ప్రగతి భవన్‌లోకి వెళ్తున్న సమయంలో ఆయన వెంట వచ్చిన వారిని కూడా పలకరించారు. ఈ క్రమంలో విజయసాయి రెడ్డిని కేసీఆర్ విష్ చేశారు. కేసీఆర్ పలకరించగానే విజయసాయి మర్యాదపూర్వకంగా ఆయనకు పాదాభివందనం చేశారు.

Also Read: అమరావతి ఉద్యమం: ఫలిస్తున్న చంద్రబాబు వ్యూహం

విజయసాయి పాదాభివందనం చేసేందుకు ప్రయత్నించడంతో సీఎం కేసీఆర్ ఆపేందుకు ప్రయత్నించారు. అయితే అప్పటికే ఆయన పాదాభివందనం చేయడంతో ఆశీర్వదించారు. అనంతరం అందరూ కలిసి సమావేశ మందిరంలోకి వెళ్లారు. ఇద్దరు సీఎంలు కలిసి మధ్యాహ్న భోజనం చేశారు. భోజనానంతరం జగన్, కేసీఆర్ పలు అంశాలపై చర్చిస్తున్నారు.

పరిష్కారం కాకుండా పెండింగ్‌లో ఉన్న విభజన అంశాలు.. ప్రస్తుత రాజకీయ పరిస్థితులపై చర్చించే అవకాశం ఉన్నట్లు తెలుస్తోంది. అలాగే కేంద్రంలోని బీజేపీ ప్రభుత్వం అరకొర సహకారం.. నిధుల మంజూరు చేయకపోవడం వంటి అంశాలు చర్చకు వచ్చే అవకాశం ఉన్నట్లు తెలుస్తోంది. అలాగే దేశంలో తీవ్ర చర్చనీయాంశంగా మారిన ఎన్నార్సీ, సీఏఏ తదితర విషయాలపై కూడా చర్చించే అవకాశం ఉంది.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.