ప్రకాశం: చెక్ డ్యామ్‌ను జిలేటిన్ స్టిక్స్‌తో పేల్చేసిన రైతు.. కారణం ఏంటంటే!

ప్రకాశం జిల్లాలో చెక్‌డ్యామ్‌ పేల్చి వేయడం కలకలంరేపింది. దోర్నాల నల్లవాగుపై నిర్మించిన చెక్ డ్యామ్‌ను జిలేటిన్ స్టిక్స్‌తో ఓ రైతు పేల్చేశాడు. దోర్నాల సమీపంలో ప్రభత్వ భూమిలోని నల్లవాగుపై రూ,9 లక్షల 50 వేలతో నిర్మించిన చెక్ డ్యాం నిర్మించారు. మల్లికార్జున్ అనే రైతు జిలెటిన్ స్టిక్స్‌ తీసుకొచ్చి పేల్చడంతో ధ్వంసమైంది. సమాచారం అందుకున్న ఇరిగేషన్ అధికారులు.. ధ్వంసమైన చెక్ డ్యాంను పరిశీలించారు. మల్లికార్జునపై పోలీస్‌లకు ఫిర్యాదు చేశారు.. ప్రస్తుతం నిందితుడు పరారీలో ఉన్నాడు. అయితే రైతు వాదన మరోలా ఉంది.. అధికారులు చెక్‌డ్యాంను తన పొలంలో నిర్మించారని ఆరోపిస్తున్నాడు. రైతు ఆరోపణలపై అధికారులు స్పందించాల్సి ఉంది. ఈ ఘటనకు సంబంధించిన పూర్తి వివరాలు తెలియాల్సి ఉండగా.. పోలీసులు మల్లికార్జున కోసం గాలిస్తున్నారు.