బాపట్ల జిల్లా చీరాల రాజకీయాలు ఆసక్తికరంగా మారాయి. మాజీ ఎమ్మెల్యే ఆమంచి కృష్ణమోహన్‌ (Amanchi Krishna Mohan ) సోదరుడి ఫోటో జనసేన పార్టీ (Janasena Party) ఫ్లెక్సీలో ఉండటం చర్చనీయాంశమైంది. బాపట్ల జిల్లా వేటపాలెం మండలం పందిళ్లపల్లిలో జనసేన పార్టీ సభ్యత్వ నమోదు కార్యక్రమాన్ని జయప్రదం చేయాలని జనసైనికులు ఫ్లెక్సీ ఏర్పాటు చేశారు. అయితే ఇందులో జనసేన పార్టీ అధినేత పవన్‌ కళ్యాణ్.. ఆమంచి శ్రీనివాసరావు (స్వాములు) (Amanchi Swamulu) ఫోటోలు ఉన్నాయి.
ఆమంచి కృష్ణ మోహన్ 2009లో కాంగ్రెస్ పార్టీ తరపున పోటీచేసి ఎమ్మెల్యేగా విజయం సాధించారు. 2014 ఎన్నికల్లో మాత్రం నవోదయం పార్టీ నుంచి పోటీచేసి గెలిచారు. ఆ తర్వాత టీడీపీకి దగ్గరయ్యారు.. చంద్రబాబు సమక్షంలో పార్టీలోకి వచ్చారు. 2019 ఎన్నికలకు ముందు అనూహ్యంగా టీడీపీకి గుడ్ బై చెప్పి.. వైఎస్సార్‌సీపీలో చేరారు. చీరాల నుంచి పోటీచేసి టీడీపీ అభ్యర్థిగా పోటీచేసిన కరణం బలరాం చేతిలో ఓడిపోయారు.
బలరాం గెలుపు తర్వాత చీరాల రాజకీయం అనూహ్యంగా మారింది. ఎమ్మెల్యే కరణం అనూహ్యంగా వైఎస్సార్‌సీపీకి దగ్గరయ్యారు. దీంతో ఆమంచికి చీరాలలో ప్రాధాన్యం తగ్గింది.. బలరాం వర్గంతో కూడా విభేదాలు ఉన్నాయి. దీంతో ఆమంచి కొంతకాలంగా పార్టీ కార్యక్రమాలకు కాస్త దూరంగా ఉన్నారు. అయితే అధిష్టానం చీరాలపై ఫోకస్ పెట్టింది.. నియోజకవర్గాన్ని కరణం ఫ్యామిలీకి అప్పగించింది. ఆమంచిని పర్చూరు పంపించి.. అక్కడి బాధ్యతల్ని అప్పగించింది. అయితే ఇప్పుడు కృష్ణమోహన్‌ సోదరుడి ఫోటో జనసేన పార్టీ ఫ్లెక్సీలో ఉండటం ఆసక్తికరంగా మారింది.
బలరాం గెలుపు తర్వాత చీరాల రాజకీయం అనూహ్యంగా మారింది. ఎమ్మెల్యే కరణం అనూహ్యంగా వైఎస్సార్‌సీపీకి దగ్గరయ్యారు. దీంతో ఆమంచికి చీరాలలో ప్రాధాన్యం తగ్గింది.. బలరాం వర్గంతో కూడా విభేదాలు ఉన్నాయి. దీంతో ఆమంచి కొంతకాలంగా పార్టీ కార్యక్రమాలకు కాస్త దూరంగా ఉన్నారు. అయితే అధిష్టానం చీరాలపై ఫోకస్ పెట్టింది.. నియోజకవర్గాన్ని కరణం ఫ్యామిలీకి అప్పగించింది. ఆమంచిని పర్చూరు పంపించి.. అక్కడి బాధ్యతల్ని అప్పగించింది. అయితే ఇప్పుడు కృష్ణమోహన్‌ సోదరుడి ఫోటో జనసేన పార్టీ ఫ్లెక్సీలో ఉండటం ఆసక్తికరంగా మారింది.
- Read Latest Andhra Pradesh News and Telugu News