ప్రకాశం జిల్లా: పింఛన్ సొమ్ములో దొంగనోట్ల వ్యవహారంలో ట్విస్ట్.. పోలీసులు ఆరా తీస్తే!

ప్రకాశం జిల్లా యర్రగొండపాలెంలో దొంగనోట్ల కలకలం రేపాయి. ప్రభుత్వం అందజేసే సామాజిక పింఛన్ల సొమ్ములో ఫేక్ కరెన్సీ కనిపించింది. ఈ విషయాన్ని గుర్తించిన పింఛన్ దారులు చెప్పడంతో గుర్తించారు. మొత్తం 38 దొంగ నోట్లు ఉన్నాయి.. అన్నీ 500 రూపాయల నోట్లేనని వాలంటీర్ చెబుతున్నారు. పింఛన్‌ల పంపిణీ కోసం యర్రగొండపాలెం బ్యాంక్‌లో డబ్బుల్ని నరసాయపాలెం పంచాయతీ కార్యదర్శి డ్రా చేసుకుని వచ్చారు. నరసాయపాలెంలో ఎప్పటిలాగే నగదు డ్రా చేసి ఎస్సీ కాలనీకి చెందిన వాలంటీరు ఎం.ఆమోస్‌కు తెచ్చి ఇచ్చారు. ఆదివారంనాడు ఆమోస్‌ లబ్ధిదారులకు నగదు పంపిణీ చేశారు. ఈ క్రమంలో పింఛను అందుకున్న మహిళ రూతమ్మ రూ.500 నోట్లు మూడింటిని నకిలీవిగా గుర్తించారు. ఆమె అధికారుల దృష్టికి ఈ విషయాన్ని తీసుకెళ్లారు. వెంటనే అప్రమత్తమై అధికారులు.. అప్పటివరకు పంచిన నగదును లబ్ధిదారుల దగ్గర పరిశీలించారు.

వాలంటీర్ పంపిణీ చేసిన డబ్బుల్లో రూ.500 నోట్లలో 38 నకిలీవిగా తేలాయి. ఈ దొంగ నోట్లప వ్యవహారంపై ఎంపీడీవో రంగసుబ్బరాయుడు పోలీసులకు ఫిర్యాదు చేశారు. తొలుత బుకాయించిన వాలంటీరు.. అధికారులు గట్టిగా ప్రశ్నించే సరికి అసలు విషయం అంగీకరించాడు. అధికారులు అతడిని విధుల నుంచి తప్పించారు. ఆమోస్‌ను పోలీసులు అదుపులోకి తీసుకున్నారు. నకిలీ నోట్లు ఎక్కడి నుంచి వచ్చాయనేది ఆరా తీస్తున్నారు.

• Read Latest Andhra Pradesh News and Telugu News