వైసీపీ కౌన్సిలర్ రాజీనామా.. కారణం తెలిస్తే అవాక్కవుతారు

ప్రకాశం జిల్లాలో వైఎస్సార్సీపీ కౌన్సిలర్ తన పదవికి రాజీనామా చేశారు. ఆయన రాజీనామా కంటే.. అందుకు గల కారణం తెలిస్తే మీరు కచ్చితంగా అవాక్కవుతారు. మార్కాపురంలో వింత కారణంతో రాజీనామా చేయడం చర్చనీయాంశంగా మారింది. ఇంతకు ఎవరు ఆయన..? కారణం ఏంటి అనుకుంటున్నారా..?

ఇటీవల మార్కాపురం మున్సిపాలిటీ 20వ బ్లాక్ నుంచి వైఎస్సార్సీపీ కౌన్సిలర్‌గా షేక్ సలీం గెలిచారు. అయితే 21వ బ్లాక్ జనసేన పార్టీ జెండా ఏర్పాటు చేసేందుకు దిమ్మెను నిర్మిస్తోంది. ఈ దిమ్మెను తొలగించాలని షేక్ సలీం అధికారులను కోరారు. అందుకు అధికారులు స్పందించలేదు. దీంతో ఆయన నిరసనలు తెలిపారు.

సలీం నిరసనలు చేసినా.. అధికారులు మాత్రం పట్టించుకోలేదు. అయితే లా‌స్ట్‌కు నిన్న జనసేన జెండా ఆవిష్కరణ కార్యక్రమం కూడా పూర్తయింది. దీంతో ఆవేదన చెందిన షేక్ సలీం తన పదవికి గుడ్ బై చెప్పారు. అధికారుల తీరుకు నిరసనగా తాను రాజీనామా చేస్తున్నట్లు ఆయన తెలిపారు. సలీం రాజీనామాపై రకరకాల భిన్న అభిప్రాయాలు వ్యక్తం అవుతుండగా.. ఆయన రాజీనామా లేఖకు మాత్రం ఆమోద ముద్ర లభించలేదు.