Yanam: నాన్న తెచ్చిన డ్రెస్ నచ్చలేదని కూతురి ఆత్మహత్య.. షాకింగ్

స్మార్ట్‌ఫోన్ కొనివ్వలేదని.. బట్టలు తీసుకురాలేదని.. చిన్నచిన్న కారణాలకు టీనేజ్ యువతీ యువకులు ఆత్మహత్యలకు పాల్పడడం ఆందోళన కలిగిస్తోంది. తాజాగా అలాంటి ఘటన యానాంలో జరిగింది. తండ్రి తీసుకొచ్చిన డ్రెస్ నచ్చలేదని కూతురు ఆత్మహత్య చేసుకుంది. మెట్టకుర్రులోని ఫిషర్‌మెన్ కాలనీకి చెందిన టీనేజ్ యువతి(16) పదో తరగతి చదువుతోంది. కొత్త సంవత్సరం సందర్భంగా ఆమె తండ్రి బట్టలు కొనుక్కొచ్చాడు. అయితే అవి తనకు నచ్చలేదని కూతురు గొడవపడడంతో తీవ్రంగా మందలించాడు. క్షణికావేశానికి లోనైన యువతి అఘాయిత్యానికి పాల్పడింది. తల్లిదండ్రులు భోజనం చేస్తున్న సమయంలో ఆమె ఇంటిపైకి వెళ్లి చీరతో ఉరేసుకుని ఆత్మహత్య చేసుకుంది. కుటుంబ సభ్యులు గమనించి ఆస్పత్రికి తరలించేలోపే ఆమె ప్రాణాలు కోల్పోయింది. సమాచారం అందుకున్న పోలీసులు కేసు నమోదు చేసి దర్యాప్తు చేస్తున్నారు.

Also Read: