తల్లిదండ్రుల మృతితో అనాథలైన చిన్నారులు.. సీఎం జగన్ పెద్ద మనసు, నిమిషాల్లోనే!

ఆన్‌లైన్‌ లోన్‌ యాప్ నిర్వాహకుల వేధింపులతో రాజమండ్రి దంపతులు ఆత్మహత్య చేసుకున్న సంగతి తెలిసిందే. ఈ ఘట గురించి తెలిసి ముఖ్యమంత్రి వైఎస్‌ జగన్‌మోహన్‌రెడ్డి చలించిపోయారు. తల్లిదండ్రుల మృతితో అనాథలైన చిన్నారులు నాగసాయి, లిఖితలకు చెరో రూ.5 లక్షల సాయం అందించాలని సీఎం ఆదేశించారు. చిన్నారుల సంరక్షణకు ఏర్పాట్లు చేయాలని జిల్లా కలెక్టర్‌ మాధవీలతకి సూచించారు. అలాగే లోన్‌ యాప్‌ల ఆగడాలపై ఏపీ ప్రభుత్వం సీరియస్ అయ్యింది. వెంటనే కఠిన చర్యలకు ఆదేశించింది. రిజర్వ్‌ బ్యాంక్‌ ఆఫ్‌ ఇండియా (ఆర్‌బీఐ) అనుమతి లేని లోన్‌యాప్‌లపై కఠినంగా వ్యవహరించాలని నిర్ణయించారు. ఈ మేరకు అధికారులకు ఏపీ ప్రభుత్వం ఆదేశాలు జారీ చేశారు. లోన్ యాప్‌లపై ఉక్కుపాదం తప్పదని సంకేతాలు పంపారు. రాజమండ్రికి చెందిన కొల్లి దుర్గారావు, రమ్యలక్ష్మి దంపతులు ప్రాణాలు తీసుకున్న విషయం తెలిసిందే. లోన్ యాప్ వేధింపులతో విషం తాగి చనిపోయారు. దీంతో ఇద్దరు పిల్లలు అనాథలయ్యారు. ప్రభుత్వం వెంటనే స్పందించి అండగా నిలిచింది.