Tanuku: శ్రీరామనవమి వేడుకల్లో అపశృతి.. ఒక్కసారిగా..

Tanuku: పశ్చిమగోదావరి జిల్లా తణుకు మండలంలో జరిగిన శ్రీరామనవమి వేడుకల్లో అపశృతి చోటుచేసుకుంది. దువ్వ (Duvva village) లోని వేణుగోపాల స్వామివారి ఆలయంలో .. శ్రీరామనవమి వేడుకలు జరిగాయి. ఇందు కోసం ఆలయంలో చలువ పందిళ్లు వేశారు. ఇక్కడ సీతారాముల వారి కల్యాణం జరుగుతుండగా.. చలువ పందిళ్లపై ఒక్కసారిగా పటాకులు వచ్చి పడ్డాయి. దీంతో పందిరికి మంటలు అంటుకున్నాయి. భారీగా అగ్నికీలలు ఎగసిపడ్డాయి. భక్తులు అక్కడి నుంచి పరుగులు పెట్టారు. ఈ అగ్ని ప్రమాదంలో.. ఎవరీకి ఏటువంటి గాయాలు కాకపోవడంతో.. గ్రామస్తులు ఊపిరి పీల్చుకున్నారు. పుత్తూరులో జరిగిన శ్రీరామనవమిలో.. సీతారాముల వారికి మంత్రి రోజా (RK Roja) దంపతులు పట్టు వస్త్రాలు సమర్పించారు. కార్వేటినగరం రోడ్‌లోని మండపం నుంచి కాలినడకన వెళ్లి.. సీతారాముల వారికి పట్టు వస్త్రాలను సమర్పించారు. శ్రీ కోదండరామస్వామి ఆలయ కార్యనిర్వహణాధికారి, ఉత్సవ కమిటీ సభ్యులు రోజా దంపతులను పూర్ణకుంభంతో స్వాగతం పలికారు. శ్రీ కోదండరామ స్వామి వారి ఆలయంలో పూజారులు వేద మంత్రాలతో విశేష పూజలు నిర్వహించి.. మంత్రి రోజా-సెల్వమణి దంపతులను ఆశీర్వదించారు. ఈ సందర్భంగా రోజా మాట్లాడుతూ.. కోదండ రామస్వామి వారి ఆలయంలో గురువారం నుంచి 10 రోజుల పాటు జరిగే బ్రహ్మోత్సవాలను వైభవంగా నిర్వహించాలని కోరారు.
Read Latest Andhra Pradesh News and Telugu News