‘కాటన్‌ దొర’ కోసం కుమ్ములాట.. రెండు వర్గాలుగా చీలిన ఊరు

ధవళేశ్వరం బ్యారేజ్ కట్టి ఉభయ గోదావరి జిల్లాలను సస్యశ్యామలం చేసిన బ్రిటిష్ ఇంజనీర్ కాటన్ దొరను ఆ ప్రాంత వాసులు దేవుడిగా కొలుస్తారనడంతో ఎలాంటి సందేహం లేదు. బ్రిటిష్ పాలనతో విసిగివేసారిపోయినా.. ధవళేశ్వరం ఆనకట్ట నిర్మించిన కాటన్ దొరకి మాత్రం గోదారోళ్లు అత్యంత గౌరవం ఇస్తారు. అలాంటి కాటన్ దొర కారణంగా ఓ గ్రామంలో కుమ్ములాటలు చోటుచేసుకోవడం ఆందోళన కలిగిస్తోంది. ఆయన విగ్రహాన్ని తొలగించాలని ఓ వర్గం.. కుదరదని మరో వర్గం వాదులాటకు దిగడంతో ఏకంగా ఉండాల్సిన ఊరు రెండుగా చీలిపోయింది.

తూర్పు గోదావరి జిల్లా సామర్లకోట మండలం ఉండూరు గ్రామంలో కాటన్ దొర విగ్రహం విషయమై వివాదం చెలరేగింది. కాటన్ దొర విగ్రహాన్ని తొలగించాలని ఓ వర్గం.. వీల్లేదని మరో వర్గం కుమ్ములాటకు దిగింది. ఇరువర్గాలు మాటల యుద్ధానికి దిగడంతో గ్రామ పంచాయతీ కార్యాలయం వద్ద ఉద్రిక్తత నెలకొంది. రెండువర్గాలు గొడవకు దిగాయని సమాచారం రావడంతో పోలీసులు భారీగా గ్రామానికి చేరుకున్నారు. కాకినాడ రూరల్, తిమ్మాపురం, కరప, పెదపూడి ఎస్సైలు ఉండూరు చేరుకుని ఇరువర్గాలతో చర్చలు జరుపుతున్నారు.

Also Read: