తూర్పు గోదావరిలో అమానుష ఘటన.. దళిత యువకుడిని కొట్టి.. దారుణం

తూర్పు గోదావరి జిల్లాలో అమానుష ఘటన చోటుచేసుకుంది. అగ్రకులహంకారం మరోసారి జడలు విప్పింది. దళిత యువకుడిపై దాడి చేసిన కొందరు యువకులు తమ కాళ్లు పట్టించుకున్న దారుణ ఘటన కాకినాడలో వెలుగుచూసింది. ఇంద్రపాలేనికి చెందిన దళిత యువకుడి ఇంటి వద్దకు వచ్చి వేధింపులకు గురిచేయడమే కాకుండా అతన్ని సెంటర్‌కి తీసుకెళ్లి దారుణంగా ప్రవర్తించారు. ఇంద్రపాలెం నుంచి కచ్చేరి సెంటర్‌కి తీసుకెళ్లి అనుదీప్ కృష్ణ అనే యువకుడిని అవమానించారు. సెంటర్‌లో తమ కాళ్లపై పడి క్షమాపణ చెప్పించుకోవడమే కాకుండా ఆ దృశ్యాలను వీడియోలు తీసి రాక్షసానందం పొందారు. అగ్రకుల దురహంకారంతోనే ఈ ఘాతుకానికి పాల్పడినట్లు తెలుస్తోంది. ఈ ఘటనలో ముగ్గురు యువకులపై ఫిర్యాదు చేసినట్లు సమాచారం. పూర్తి వివరాలు తెలియాల్సి ఉంది.

Also Read: