Pawan Kalyanపై జనసేన ఎమ్మెల్యే రాపాక సంచలన వ్యాఖ్యలు

జనసేన అధినేత పవన్ కళ్యాణ్‌పై ఎమ్మెల్యే రాపాక వరప్రసాదరావు సంచలన వ్యాఖ్యలు చేశారు. తాను వైసీపీ కార్యకర్తనేనంటూ కుండబద్దలు కొట్టేశారు.. సీఎం వైఎస్‌ జగన్‌ తనను వైఎస్సార్‌సీపీలో కొనసాగమని చెబుతుంటే.. ‘మీకు అభ్యంతరం ఏంటి?’అంటూ జనసేన అధినేత పవన్‌ కళ్యాణ్‌ను ప్రశ్నించారు. ఇళ్ల పట్టాల పంపిణీలో వైఎస్సార్‌సీపీ కార్యకర్తలను ఉద్దేశించి మాట్లాడుతూ ఈ వ్యాఖ్యలు చేశారు. ‘నేను డైరెక్ట్‌గా నేను వైఎస్సార్‌ పార్టీ అని చెబుతుంటే మీకేం ఇబ్బంది.. అసెంబ్లీలో కూడా చెబుతున్నాను.. జగన్ నన్ను రమ్మంటున్నారు’అన్నారు.

జనసేన పార్టీ నుంచి తూర్పుగోదావరి జిల్లా రాజోలు నుంచి రాపాక వరప్రసాదరావు విజయం సాధించారు. గెలిచిన తర్వాత నుంచి పార్టీ కార్యక్రమాలకు దూరంగానే ఉంటున్నారు. ఆ తర్వాత అసెంబ్లీలో ముఖ్యమంత్రి జగన్‌పై ప్రశంసలు కురిపించి షాకిచ్చారు.. ఆ తర్వాత సీఎంకు జైకొట్టారు.. మెల్లిగా పార్టీకి బాగా దూరమయ్యారు. ఇటీవల తన కుమారుడ్ని వైఎస్ జగన్ సమక్షంలో వైఎస్సార్‌సీపీలో చేర్చారు. ఇప్పుడు నేరుగా తాను వైఎస్సార్‌సీపీ అంటూ క్లారిటీ ఇచ్చేశారు. రాపాక వ్యాఖ్యలపై జనసేన పార్టీ ఎలా స్పందిస్తుంది అన్నది చూడాలి.