ఏపీ నుంచి హైదరాబాద్ వెళ్లేవారికి శుభవార్త.. మరో స్పెషల్ రైలు

సంక్రాంత్రి పండుగకు హైదరాబాద్ నుంచి ఏపీకి వచ్చినవారికి రైల్వేశాఖ శుభవార్త చెప్పింది. తూర్పుగోదావరి జిల్లా కాకినాడ నుంచి సికింద్రాబాద్‌కు ఈ నెల 18న ప్రత్యేక రైలు (07458) నడపనున్నట్లు రైల్వే అధికారులు తెలిపారు. ఈ రైలు కాకినాడ టౌన్‌ నుంచి రాత్రి 8:40 గంటలకు బయలు దేరి సామర్లకోట, అనపర్తి, రాజమహేంద్రవరం, నిడదవోలు, తాడేపల్లి గూడెం, తణుకు, భీమవరం, ఆకివీడు, కైకలూరు, గుడివాడ, విజయవాడ, గుంటూరు, పిడుగురాళ్ల, మిర్యాలగూడ, నల్గొండ మీదుగా మరుసటి రోజు ఉదయం 8:45 గంటలకు సికింద్రాబాద్‌ చేరనుంది. ప్రయాణికులు ఈ సౌకర్యాన్ని ఉపయోగించుకోవాలని అధికారులు కోరారు.

ఈ రైలు మాత్రమే కాదు.. సంక్రాంత్రి రద్దీ ఉండటంతో ప్రయాణికుల కోసం ప్రత్యేకంగా రైళ్లను నడుపుతోంది. విశాఖ, తిరుపతి, విజయవాడ ఇలా స్పెషల్ ట్రెయిన్లు ఏర్పాటు చేశారు. తిరుగు ప్రయాణంలో రద్దీ ఉండే అవకాశం ఉండటంతో మరో రైలును ఏర్పాటు చేశారు.