కాకినాడ జిల్లాలో ఘోరం... ఆరుగురు మహిళలు దుర్మరణం!

కాకినాడ జిల్లాలో ఆదివారం ఘోర రోడ్డు ప్రమాదం చోటుచేసుకుంది. ప్రైవేటు బస్సు, ఆటో ఎదురెదురుగా ఢీకొట్టుకోవడంతో.. ఈ ఘటనలో ఆరుగురు మహిళలు అక్కడికక్కడే మృతి చెందారు. మరో నలుగురికి తీవ్రగాయాలయ్యాయి. తాళ్లరేవు మండలం సీతారామపురంలోని సుబ్బరాయునిదిబ్బ వద్ద ఈ ప్రమాదం జరిగింది.

రొయ్యల పరిశ్రమలో పని చేసి ఆటోలో తిరిగి వెళ్తుండగా ఈ దారుణ ఘటన జరిగింది. ఈ సమాచారం అందుకున్న పోలీసులు హుటాహుటిన సంఘటనా స్థలానికి చేరుకున్నారు. క్షతగాత్రులను యానాం ప్రభుత్వ ఆస్పత్రికి, మృతదేహాలను కాకినాడ జీజీహెచ్‌కు తరలించారు. మృతులంతా యానాంలోని నీలపల్లికి చెందిన వారుగా గుర్తించారు. ఈ మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. ఈ ఘటనకు సంబంధించి పూర్తి వివరాలు తెలియాల్సి ఉంది.