అల్లూరి జిల్లా: మహిళ గొంతులో ఇరుక్కున్న చేప.. ప్రాణాలు పోయేవి, చాలా లక్కీ

అల్లూరి సీతారామరాజు జిల్లాలో ఓ మహిళ గొంతులో చేప ఇరుక్కుంది. చిన్న పొరపాటుతో చేప గొంతులో చిక్కుకుంది. ఊపిరి ఆడక ఇబ్బందిపడిన ఆమెను సకాలంలో ఆస్పత్రికి తరలించడంతో ప్రాణాలతో బయటపడింది. వరరామచంద్రాపురం మండలం కుంజవారిగూడెంకు చెందిన పలు కుటుంబాలు ఇళ్ల స్థలాలు ఇవ్వాలని కోరుతున్నారు. వీరంతా ఎటపాక మండలం గంగారం దగ్గర తాత్కాలికంగా నివాసాలు ఏర్పాటు చేసుకున్నారు. అక్కడ నివాసం ఉంటున్న ముగ్గురు మహిళలు గంగారం చెరువులో వలలు తీసుకుని చేపల వేటకు వెళ్లారు. ముగ్గురు మహిళల్లో సీతకు చిన్న చేపలు వలలో దొరికాయి. ఆ చేపల్లో ఓ చిన్న చేప చేతికి చిక్కినా కొట్టుమిట్టాడింది. దీంతో ఆమె ఒక చేత్తో వలను పట్టుకుంది.. మరో చేత్తో చేప జారిపోకుండా పట్టుకునే ప్రయత్నం చేసింది. అయినా చేప ఆగకపోవడంతో.. దాన్ని నోటిలో పళ్ల మధ్యలో పెట్టుకుంది. ఇంతలో పొరపాటున ఆ చిన్న చేప ఆమె గొంతులోకి జారిపోయింది.. చేప తల భాగం గొంతులో చిక్కుకుంది. ఆమెకు ఊపిరి తీసుకోవడం ఇబ్బందిగా మారింది.. వెంటనే రక్తం కూడా వచ్చింది.

సీతతో పాటూ ఉన్న మరో చేపను బయటకు లాగేందుకు ప్రయత్నించినా లాభం లేకుండా పోయింది. ఆమెకు శ్వాస సక్రమంగా అందకపోవడంతో.. వెంటనే ఆమెను భద్రాచలం ఆస్పత్రికి తరలించారు. అక్కడ డాక్టర్లు జాగ్రత్తగా గొంతులో ఇరుక్కున్న చేపను బయటకు తీశారు. మహిళకు ఆక్సిజన్‌ సరిగా అందకపోవడంతో ముఖం ఉబ్బిపోయింది. ఆమెను సకాలంలో ఆస్పత్రికి తీసుకెళ్లడం మంచిదైందని.. డాక్టర్ల పర్యవేక్షణలో ప్రస్తుతం ఆమె కోలుకుంటోంది.

• Read Latest Andhra Pradesh News and Telugu News