Srikakulam: భూప్రకంపనలు.. బయటకు పరుగులు తీసిన జనాలు

శ్రీకాకుళం జిల్లాలో ఇచ్చాపురం నియోజకవర్గంలో స్వల్ప భూ ప్రకంపనలు భయాందోళనకు గురిచేశాయి. దీంతో ఒక్కసారిగా జనాలు బయటకు పరుగులు తీశారు. ఏం జరుగుతుందో అర్థంకాక తీవ్రచలిలో పిల్లపాపలతో ఇళ్ల నుంచి బయటకు వచ్చేశారు. గత వారం రోజులలో రెండోసారి ప్రకంపనలు రావడంతో ఆందోళన చెందుతున్నారు.


మంగళవారం రాత్రి అందరూ ఘాడ నిద్రలో ఉండగా ఒక్కసారిగా భూమి కంపించింది. ఇచ్చాపురం, కంచిలి, కవిటి ప్రాంతాల పరిధిలోని రత్తకర్ణ, తేలుకుంచి, అమీన్‌సాహిబ్‌ పేట, పురుషోత్తపురం గ్రామాల్లో, ఇచ్ఛాపురం సమీప ఒడిశా ప్రాంతంల్లోనూ భూ ప్రకంపనలు చోటుచేసుకున్నాయి. భూమి మూడుసార్లు కంపించిందని స్థానికులు చెబుతున్నారు. ఏం జరుగుతుందో అర్థకంకాక ఇళ్ల నుంచి రోడ్ల మీదకు పరుగులు తీశారు. కొందరు భయంతో నిద్ర మానుకుని.. ఇంటి బయటే ఉన్నారు.