బాలికను కొట్టంలోకి లాక్కెళ్లిన రెండుకాళ్ల పశువు.. చిత్తూరులో దారుణం

ఎన్ని కఠిన చట్టాలు చేసినా.. మృగాళ్లకు ఉరిశిక్షలు విధిస్తున్నా కామాంధుల్లో కనీసం భయం కలగడం లేదు. చిన్నాపెద్దా తేడా లేకుండా పసిమొగ్గలపై కూడా పంజా విసురుతున్నారు. కామంతో కళ్లు మూసుకుపోయి అమానుషాలకు తెగబడుతున్నారు. ఆరేళ్ల బాలికను బలవంతంగా లాక్కెళ్లి అత్యాచారయత్నం చేసిన దారుణ ఘటన తాజాగా ఏపీలోని చిత్తూరు జిల్లాలో వెలుగుచూసింది.

జిల్లాలోని బైరెడ్డిపల్లి మండలం చిన్నపురంలో అమానుష ఘటన చోటుచేసుకుంది. గ్రామానికి చెందిన ధనుంజయ రెడ్డి అనే యువకుడు ఆరేళ్ల బాలికపై నీచానికి ఒడిగట్టాడు. ఎవరూ లేని సమయం చూసి బాలికను బలవంతంగా పశువుల కొట్టంలోకి లాక్కెళ్లి దారుణానికి పాల్పడ్డాడు. అభం శుభం తెలియని చిన్నారిపై పశువులా అత్యాచారయత్నం చేశాడు. బాలికకు తీవ్ర రక్తస్రావం కావడంతో తల్లిదండ్రులు ఆస్పత్రికి తీసుకెళ్లారు. కూతురిపై జరిగిన దారుణం తెలుసుకుని వెంటనే పోలీసులకు ఫిర్యాదు చేశారు. పూర్తి వివరాలు తెలియాల్సి ఉంది.

Also Read: