Nara Lokesh: తెలుగుదేశం పార్టీ జాతీయ ప్రధాన కార్యదర్శి నారా లోకేష్ చేపట్టిన యువగళం పాదయాత్ర.. 17వ రోజు గంగాధర నెల్లూరు నియోజకవర్గంలో కొనసాగింది. పాదయాత్రలో భాగంగా.. లోకేష్ వివిధ వర్గాల ప్రజలతో మాట్లాడారు. ఆదివారం మధ్యాహ్నం లోకేష్ నడుస్తుండగా.. ఆటో డ్రైవర్ శివ కుమార్తో ఎదురుపడ్డారు. నారా లోకేష్ అతనితో మాట్లాడారు. ఏపీలో పెట్రోల్ డీజిల్ ధరలు ఎక్కువగా ఉండడంతో.. తమిళనాడులో డీజిల్ కొంటున్నాం అని శివ కుమార్ చెప్పారు. దీంతో వచ్చేది మనమే.. పెట్రోల్ డీజిల్ ధరలు తగ్గించేది మనమే.. అంటూ లోకేష్ భరోసా ఇచ్చారు. అయితే.. ఈ సందర్భంగా ఆసక్తికర సన్నివేశం కనిపించింది. శివకుమార్ ఆటోలో వెనకాల ఇద్దరు మహిళలు, ఓ బాలుడు కూర్చున్నారు. ఆటో డ్రైవర్ శివతో మాట్లాడిన తర్వాత లోకేష్ వారితోనూ సరదాగా మాట్లాడారు. తల్లి ఒడిలో కూర్చున్న బాలుడికి హయ్ ఫై ఇచ్చారు. అనంతరం ఆ బాలుడికి లోకేష్ బాయ్ చెప్పారు. బాయ్ రా అంటూ లోకేష్ చెప్పాగా.. ఆ బాలుడు కూడా ఎదో అన్నాడు. దీంతో అతని తల్లి నోరు మూసింది. దీన్ని చూసిన వారంతా నవ్వారు. అటు దీనికి సంబంధించిన వీడియో ఇప్పుడు సోషల్ మీడియాలో వైరల్ అవుతోంది.
Read Latest Andhra Pradesh News and Telugu News
Nara Lokesh: బాలుడికి బాయ్ చెప్పిన లోకేష్.. బుడ్డోడి నోరు మూసిన తల్లి!
Nara Lokesh: నారా లోకేష్ చేపట్టిన యువగళం పాదయాత్ర చిత్తూరు జిల్లాలో సాగుతోంది. 17వ రోజు గంగాధర నెల్లూరు నియోజకవర్గంలో లోకేష్ పాదయాత్ర చేస్తున్నారు. ఆదివారం పాదయాత్ర సందర్భంగా.. ఆసక్తికర సన్నివేశం కనిపించింది. ఈ సీన్ చూసిన ప్రజలు ఒక్కసారిగా నవ్వారు.
ప్రధానాంశాలు:
- 17వ రోజు గంగాధర నెల్లూరులో లోకేష్ పాదయాత్ర
- ఆదివారం పాదయాత్రలో ఆసక్తికర సన్నివేశం
- బుడ్డోడికి బాయ్ చెప్పిన నారా లోకేష్.. నోరు మూసిన తల్లి