తిరుపతి: ఆలయంలో బయటపడిన రాతిస్తంభాలు.. పెద్ద చరిత్రే ఉంది!

తిరుపతి తాతయ్యగుంట గంగమ్మ ఆలయంలో పురాతన రాతి స్తంభాలు బయటపడ్డాయి. వీటిని పల్లవుల కాలం నాటివని ప్రాథమిక అంచనాకు వచ్చారు. వీటిపై పరిశోధన, అధ్యయనం తర్వాత వివరాలను పురావస్తు శాఖ అధికారులు వెల్లడిస్తారని తిరుపతి ఎమ్మెల్యే (Tirupati Mla) భూమన కరుణాకర్‌రెడ్డి (Bhumana Karunakar Reddy) తెలిపారు. ఆలయ పునర్ నిర్మాణంలో భాగంగా బయటపడ్డ రాతి స్తంభాలను.. మైసూరుకు చెందిన పురావస్తు శాఖ అధికారులు పరిశీలించారు. ఆ స్తంభాల వయస్సును ప్రాథమిక అంచనా వేశారు. పూర్తి వివరాలను త్వరలో వెల్లడిస్తామంటున్నారు పురావస్తుశాఖ అధికారులు. వందేళ్ల చరిత్ర కలిగిన ఈ ఆలయాన్ని తాతాచార్యులు ప్రతిష్ఠించారని శాసనాల ద్వారా తెలుస్తుందన్నారు ఎమ్మెల్యే భూమన. ఆలయ చరిత్రను వెలుగులోకి తీసుకురావడానికి పరిశోధనలు చేసి వాటి చరిత్రను తెలియజేయాలని కోరామన్నారు. పల్లవుల కాలం, చివరలో ఆలయ నిర్మాణం జరిగి ఉంటుందని.. ఈ ఆలయ నిర్మాణం పూర్తిగా వైష్ణవ ఆలయ నిర్మాణానికి అనుగుణంగా జరిగినట్లు పురావస్తు శాఖ నిపుణులు అభిప్రాయపడ్డారు. పరిశోధనల తర్వాత పూర్తి వివరాలు తెలుస్తాయంటున్నారు.

• Read Latest Andhra Pradesh News and Telugu News