తిరుమలలో భారీ నాగుపాము.. పొడవు తెలిస్తే దిమ్మ తిరగాల్సిందే

తిరుమలలో భారీ నాగుపాము కలకలంరేపింది. జీఎన్‌సీ టోల్‌గేట్‌ సమీపంలోని విద్యుత్‌శాఖ భవనంలోకి ఈ భారీ నాగుపాము దూరింది. వెంటనే పామును గుర్తించిన సిబ్బంది.. అటవీశాఖ అధికారులకు సమాచారం ఇచ్చారు. వెంటనే రంగంలోకి దిగిన ఉద్యోగి భాస్కర్‌నాయుడు.. విద్యుత్‌శాఖ భవనంలో ఉన్న భారీ పామును చాకచక్యంగా పట్టుకున్నారు. అనంతరం దాన్ని శేషాచల అటవీ ప్రాంతంలోని అవ్వాచారి కోనలో విడిచి పెట్టారు. ఆ భారీ సర్పం పొడవు ఏకంగా ఏడు అడుగుల పొడవు ఉంది. అటవీ ప్రాంతంలో నుంచి తప్పించుకుని వచ్చింది.

ఇటీవల తిరుమల శ్రీవారి ఆలయం సమీపంలో పాము కలకలంరేపింది. ఆలయ ప్రాంగణంలో పాము కనిపించడంతో భక్తులు భయపడ్డారు.. అక్కడి నుంచి పరుగులు తీశారు. వెంటనే విషయం తెలుసుకున్న ఆలయ సిబ్బంది అటవీశాఖ అధికారులకు సమాచారం అందించారు. వెంటనే రంగంలోకి దిగిన సిబ్బంది పామును పట్టుకున్నారు. అనంతరం ఆ పామును అటవీ ప్రాంతంలో వదిలేశారు. అధికారులు వెంటనే స్పందించడంతో భక్తులు ఊపిరి పీల్చుకున్నారు.