హనుమంతుడి జన్మస్థలంపై రచ్చ.. టీటీడీ, కర్ణాటక సంస్థ మధ్య వివాదం.. ఈ నెల 27న!!

హనుమంతుడి జన్మస్థలంపై తీవ్ర చర్చోపచర్చలు జరగుతున్నాయి. తిరుమలలో అంజనాద్రిలో హనుమంతుడు జన్మించారని శ్రీరామ నవమి రోజున తిరుమల తిరుపతి దేవస్థానం (టీటీడీ) ప్రకటించిన విషయం తెలిసిందే. అయితే ఈ వ్యవహారం పెద్ద ఎత్తున వివాదాస్పదమైంది. టీటీడీ ప్రకటనను కర్ణాటక రాష్ట్రానికి చెందిన హనుమద్ జన్మభూమి తీర్థ క్షేత్ర ట్రస్ట్‌ తీవ్రంగా తప్పుపట్టింది. ఈ వ్యవహారంపై టీటీడీతో చర్చకు సిద్ధమైంది.

గురువారం (మే 27వ తేదీన) తిరుపతి సంస్కృత విద్యాపీఠంలో ఇరుపక్షాల మధ్య చర్చ జరుగబోతోంది. కిష్కింద ట్రస్ట్ తరపున గోవిందానంద సరస్వతి చర్చలో పాల్గొననున్నారు. టీటీడీ తరపున కమిటీ కన్వీనర్, సభ్యులు చర్చలో పాల్గొననున్నారు.

పోల్: సీఎం జగన్ రెండేళ్ల పాలన ఎలా ఉంది ? సమయం ఒపీనియల్ పోల్

కాగా, శ్రీరామనవమి రోజున తిరుమలలోని అంజనాద్రిని హనుమంతుని జన్మస్థలంగా టీటీడీ ప్రకటించింది. టీటీడీ ప్రకటనపై హనుమద్ జన్మభూమి తీర్థ క్షేత్ర ట్రస్ట్ అప్పుడే తీవ్రంగా అభ్యంతరం తెలిపింది. టీటీడీకి పరుష పదజాలంతో ట్రస్ట్‌ లేఖలు కూడా రాసింది. బహిరంగ చర్చకు రావాలంటూ టీటీడీకి హనుమద్‌ ట్రస్ట్‌ సవాల్‌ విసిరింది. ఈ నేపథ్యంలో గురువారం హనుమంతుని జన్మస్థానంపై ఆధారాలను ఇరుపక్షాలు బయటపెట్టనున్నాయి.